طلب المساعدة 2024.

قدمي الباترون وان شاء الله نقدر نشرحلك

في البداية تعملي سلسلة بطول الرقبة و تغلقيها
يعني تكون عندك دائرة الرقبة
ثم تعملي بدريد (عمود) ثم سلسلة فيها 3 عيون
تكملي على هذا الخدمة ثلاث دورات
الدور اللي بعدو بين العمود والعمود
تعملي 3 عمود وسلسلة فيها2 عيون وزيدي ثلاثة عمود
يولو 6 عمود ثم 3 سلاسل فيهم 5 عيون
تعيدي نفس الطريقة مع اللي بعدها
تعملي 3 عمود وسلسلة فيها2 عيون وزيدي ثلاثة عمود
يولو 6 عمود ثم 3 سلاسل فيهم 5 عيون
الدور اللي بعدو فوق 6 عمود ديري نفس الطريقة
وزيدي عمودين في كل جة
والور اللي بعدو كيف كيف زيدي عمودين
اخدمي لبياسة الكاري وركبيها
طريقة تركيبها ماهيش واضحة مي تبانلي سلاسل
المهم حاولي كيفاش تركبيها وخبيها بمعرفتك
ماهيش لازم تكون كيفها
كي تكملي اجمليه بسلاسل
لي بياس
سلسله فيعا 8 عيون واغلقيها
ديري عمودين ثم سلسلة فيها4 عيون ثم عمودين
كملي هكدا حتى يعد عندك 4 متقابلين
الدور اللي بعدو فوق العمودين ديري عمود واحد
عمري السلاسل باعمدة كل عين فيها 2 عمود
الطريق الاخيرة تكون عيون xxxxx
كي تكملي ارجعي لدائرة الرقبة
بين العمود والعمود ديري عدة اعمدة 5او 6
ثم سلسلة 4 او 5 تربط بين عمود وعمود
يعني مرة اعمد مرة سلسلة حتى النهاية
ان شاء الله تكوني فهمتي الشرح
واي مشكل قوليلي نشرحلك
تلبسيه بالصحة والهنا