طفلك عنيف ؟ ادخلي هنا !! 2024.

السلام عليكم يا اللمة الجزائرية و نتمنى تكونو بألف خير
وندخل في الموضوع الخاص بالطفل , يلا كان طفلك عنيف و يدير الحوايج التالية :
يضرب,يقول الكلام الفاحش,يشد الشعر,مقلق يعني كي يحب حاجة يليق تاعطيهالك هذا هو الطفل العنيد و العنيف كيفاش تتجنبي منه اليك الطرق التالية :
1_اياك و الضرب بزاف يلا دار ولدك و لا بنتك حاجة مشي مليحة و عصبك ضربيه غير بشوية بسكو لوكان عطيته زفطة حارة يزيد يعاودها يلى دار حاجة مشي مليحة قولليله لااااااا و لا فهميه بلي هاد حاجة مشي مليحة
2_كي يضربك ماتعاوديلهش الضربة باش مايعودهاش و ممكن يجي يقول اسمحيلي هههه
3_كي يقعد يبكي و باغي حاجة و نتي مشي فاهمتها حاولي تهدري معاه و تقوليله مالك ولدي ولا بنتي و واش راك حاب تدير بهاديك الحاجة ؟ مشي تتعاصبي بلخف
4_كوني هادئة معاه….
5_امسكي يديه ولا يديها و حاولي تفهميه بلي هاذ الحاجة ماشي مليحة!!
6_ماتنسايش تعلميه الإحترام و الآداب

7_يلا دار حاجة مليحة قوليلاه برافووو و لا شجعيه باش يديرها مرة أخرى
نستنى في الردود

شكرا على النصيحة اختاه
الناس كامل تستعمل العنف في التربية يكبر ولدهم ويولي عنيف
حسب ما تربى عليه
بارك الله فيك ننتظر جديدك

شكرا اختي

شكرا أخي العزيز على الرد

chokran akhti

شكرا على النصائح
بصح انا شفت الامهات يتعاملو مع اطفالهم بعصبية و الطفل عمرك متفهمه بالعصبية لما تحن عليه يسمعلك انا شفتها في بنت ختي
لما نتعصب معاها متسمعليش و لما نتكلم معاها بالهدوء تسمعلي