طريقتي في اعداد اسياخ السكالوب 2024.

اولا تقطعي السكالوب قطع صغيرة او متوسطة
قطعي فلفل حلو و طماطم و باذنجان الى قطع بنفس الحجم للسكالوب
تبلي السكالوب بقليل من القارص و الثوم و قليل من الكمون
نفس التتبيلة حطيها للخضار خليها ترتاح مدة في الثلاجة .
حضري الاسياخ المشمخين بالماء باه مايتحرقوش اثناء القلي
اغرزي بالتناوب الخضر و السكالوب في الاسياخ
حضري المقلات ضعيها على النار اضيفي كمية قليلة من الزيت و خليه يسخن مليح
ملحي و اقلي اسياخ السكالوب
حضري 2 او 3 حجرات فحم متوسطسن و ديريهم على الطابونة حتى يعودو جمرات
ضعي اسياخ السكالوب لي قليتيهم في صحن كبير و غامق
وجدي ورق الالمنيوم
خلي مكان في الوسط ضعي فيه الجمرات و ديري فوقهم قطرات زيت باه يطلقو الدخان تاعهم
بسرعة غطي كامل الصحن بالورق جيدا و متخليش هذاك الدخان يخرج
خليهم هاك مدة ساعة تقريبا
و نحي عليهم هذاك الغلاف
صدقيني تجي عندهم وحد النكهة رهيييبة كيما تقول طاطا حورية المطبخ ههههه, و كانك شويتيهم على الفحم
قدميهم مع اي صلصة تغميس تحبيها
و هذه الطريقة تصلح لكل انواع اللحوم بنة و لا أروع.

اقتباس المشاركة الأصلية كتبت بواسطة ساندريلا زماني شكرا على الوصفة الرائعة

جربيها ان شاء الله تعجبك انا هذه دائما طريقتي في اعداد السكالوب لانويجي صامط كي تقليه برك و نزيد نقلكم ميديش الوقت بزاف في الطياب لانك كل ما خليتيه بزاف راح يزيد ينشف اكثر .
شكرا على المرور الكريم.

اقتباس المشاركة الأصلية كتبت بواسطة أم منيــــــر شكرا لك اختي نجربوها ان شاء الله

ان شاء الله تعجب عائلتك و ادعيلي حنونة بالذرية الصالحة .

اقتباس المشاركة الأصلية كتبت بواسطة قوقا مشكوووووووووووووووورة عل الوصفة

بلا مزية حنونة ،شكرًا على المرور.

اقتباس المشاركة الأصلية كتبت بواسطة ندى الورود شكرا على الوصفة الجميلة بارك الله فيك

وفيك بركة ..تسلمي.