كتبي معي
حملتي القلم
ايا بسم الله
نص لتر حليب وقرورة صغيرة ماورد وصلصال الابيض وعصير ليمة
كتبتي المقادير
دروك الطريقة
ديري لحليب على النار مع ما ورد مين يتخلطو مع بعض زيدي عليهم الصلصال وخلطي مليح ترجع عقدة
المهم فوتها فالميكسور وادا جاتك رطبة ماعليش
بعدها ضيفي عصير الليمة
فهمتي ختي
دروك وقتاش تعملي الوصفة
يالحبيبة تعملي كل يوم ستة ساعات وادا حبيتي من الاحسن باتي بها هدا واش راني ندير انا بصح
اكتشفت انو جسمي حساس صرت نعملها مين نرجع من لخدمة وانا مشوية بالشمس
انت وحسب الجسم نتاعك
وراهي هايلة وجربتها مانقولكش هايلة وتحسي بالفرق بالاسبوع الاول ادا داومتي عليها والصباح تدوشي فهمتي يالعزيزة
من فضلكي ردي عليا لخبر ادا جربتها
ملاحظة هد المقادير يعطوك كمية كبيرة ممكن ليك تنقصي وعملها بالثلاجة لان الليمة تتفاعل مع الصلصال
قولو لي واش رياكم وشكر على حسن المتابعة وادا كاين كاش جديد مجربتو على جسمي ونجح نقولو ليكم اكيد سلامات
وصفة مليحة
بصح مآفهمتش وآش هو الصلصال الابيض ؟؟
وميرسي على خآطر مآتبخليش علينآ بتجآربك
كل مرة تدريلنآ وصفة جربتيهآ
يعطيك الف صحة ، + تقييم
في ميزان حسناتك أخيتي
بربي نجربها ونردلك خبر
والصابون قصدتي بيه صابون الطرف ولا واشنو
تحيااااتي
بوكتي على الوصفة
وصفة رائعة اختي رضوة
يعطيك الصحة