طريقة عمل السويكة الي نخدمو بيها الزرير 2024.

السلام عليكم ورحمة الله تعالى و بركاته

حبيباتي اللماويات الكثير منكم كي حطيت
سنيوة نفاسي سالوني على الزرير و طريقة عملو
انا اليوم وفيت بوعدي و راح نحط الطريقة للي حابة تجربو و ثاني باش نتبادلو العادات المختلفة من منطقة لاخرى

المكونات
قمح منقي و نضيف و محمص
حمص محمص
القليل من الملح
و الصور ابلغ تعبير

من بعد نرحوه حسب الرغبة كاين الي يحبو
خشين شوي و كاين الي يحبو ارطب

وهكا تكون السويكة واجدة باه نخدمو بيها الزرير

المكونات :
زبدة
عسل

نحط الزبدة والعسل فوق النار حتى يمتزجو

ثم نحيهم من فوق النار و نضيف ليهم السويكة بالشوي

لازم تكون شوي طرية

ثم نحطها في طبق التحضير

و من بعد نزينها حسب الرغبة

بصحتكم والي تجربها تدعيلي بالخير
سلام
في امان الله

ممممممممممممم ام انس هايل سخفتيني
راكم تعملوه كيما حنا 100/100
ما عنديش بزاف كان عندي بورت مونجي كبير معمر كليناه
خدمتو من قمح الارض تاعنا يعني تع بيت بابا
يعطيك الصحة

اقتباس المشاركة الأصلية كتبت بواسطة عاشقة الوردة امممممممممممممم تشهي شكرا على الطريقة والله جديدة عليا

الله ايسلمك اختي
و بصحتك لكن ممكن تقوليلي ناس سطيف واش ايديرو للنافسة

اقتباس المشاركة الأصلية كتبت بواسطة hadda0425 ممممممممممممم ام انس هايل سخفتيني راكم تعملوه كيما حنا 100/100 ما عنديش بزاف كان عندي بورت مونجي كبير معمر كليناه خدمتو من قمح الارض تاعنا يعني تع بيت بابا يعطيك الصحة

الله ايسلمك حدة و ربي يبارك فيك
بصحتكم حنونة مدام خدماتو يديك يا الشاطرة
تبارك الله عليك

كاين اللي يزيدلها اللبلابي وزيدلها التمر اليابس والخروب تجي هااايلة
يعطيك الصحة اختي وربي يعطيك ما تتمناي

اقتباس المشاركة الأصلية كتبت بواسطة عفاف الجزائرية كاين اللي يزيدلها اللبلابي وزيدلها التمر اليابس والخروب تجي هااايلة يعطيك الصحة اختي وربي يعطيك ما تتمناي

الله ايسلمك
و بارك الله فيك على المعلومات المفيدة

اقتباس المشاركة الأصلية كتبت بواسطة بلقيس لينا وشنو هاذي حبيبتي

هذي حبيبتي بلقيس
نعملوها احنا ناس الشرق في بعض المناطق للنفاس كيما عندكم ناس بليدة الطمينة