السلام عليكم اصحاب اللمة ان شاء الله تكونو بخير جبتلكم اليوم التارت اللي درتها في عيد ميلاد بنت اختي
نبداو على بركة الله
*1 نطلعو 3بيضات مليح بالباتور مع 3مغارف سكر ناعم
*2نزيدولهم 3مغارف فرينة 1/2 باكي خميرة او لافاني او نخلكو بلاعقل باش مايطيحش البيض
3*نديروهم في بلا فوقو ورق الالمنيوم او مدهون لازيت او الفرينة باش ماتلسقش الجينواز
*نحيو ورقة الجينواز او نقسمو دائرة انا خدمت 3ورقات جينواز تقدري تخدمي اكتر ويدا حبيتيها خشينة
*5شمخت الجينواز بالشوكولا دايبة في لحليب باش ماتجيش ناشفة ماحبيتش ندير السيرو الشيكولا تجي خير بنينة
6*طلعت الشانتيي بالحليب او زدتلها الشوكولا
7* لصقت الطبقات بالكريمة منبغد زوقتها بعجينة اللوز
بالنسبة لعجينة اللوز:
خدمت سيرو ب 1/3 كاس ماء + 1/3 كاس سكر فوق النار احسبي 10 دقايق ملي يبدا يغلي
*خلطت 250غ لوز بودرة *لازم يكزن رقيق بزاف انا رحيتو في الدار بصح راه يتباع مرحي* مع 100غ سكر ناعم او عطر اللوز او لميتهم بالسيرو حتى تحصلت على عجينة درتها قع بيصاء منبعد لونتها حيب الرغبة
اممممممممم يعطيك الصحة نسيمة تارت تهبل تهبل الله يبارك اعليك اختي وعيد ميلاد سعيد لبنت اختك وعقبال ١٠٠سنة يارب وهداك المرسو راني ديتو قبل مايدخل الغاشي وبصحتي يم يم
|
الله يسلمك ختيتي بصحتك المورصو الطارت قع راهي ليك شكرا على مرورك العطر
يمم تشهي يعطيك الصحة
|
الله يسلمك شكرا على المرور العطر
يعطيك الصحة راهي تهبل لعقوبة لمئة سنة لنهى
يعطيك الصحة نسيمة على الوصفة خرجتلك فورررر
بارك الله فيك و جزاك خيرا
بارك الله فيك و جزاك خيرا
يعطيك الف عافية نسومة تهبل بصح لو كان كملتي خيرك و ريتيلي كيفاه خدمتي الديكور تاع هلو كيتي مي مممممممممممم عليها
تسلم الايادي
تسلم الايادي
جاتك هايلة نسيمة يعطيك الصحة
يعطيك الصحة نسيمة هايلةربي يخليك ويرزقك الذرية الصالحة