طاجين الخوخ طبق معروف عند بعض الولايات الجزائرية لكن تختلف اسماؤه من منطقة لاخرى
وحبيت نحط لكم وصفتي
المقادير
قطع لحم
250 غ لحم مرحي
500غ بطاطا
بصلة كبيرة
حمص منقوع في الماء او طايب
صفار بيضة
2 بيضات كاملة
فرينة
شابلور
ملح
فلفل اسود
عود قرفة
زيت للقلي
اعواد الكرز ان كانت متوفرة للتزيين
معدنوس للزينة
التحضير
في طنجرة حطي قطع اللحم بصل مقطع رقيق زيت 2 ملاعق ملح فلفل اسود وقلي اللحم امبعد مرقيه بالماء وديري عود قرفة وحطي الحمص ادا كان منقوع وادا كان طايب خليه في الاخير
من جهة اخرى تغسلي البطاطا و ديريها تغلي امبعد قشريها وطحنيها بشوكة كي تبرد شويا ضفيلها ملح وفلفل اسود وصفار بيضة و شكليها كريات
تكوني حضرتي من قبل كريات صغيرة لحم ديري لحم مرحي ملح فلفل اسود بيضة و شكليهم كريات وقليهم في الزيت
امبعد احشي كريات البطاطا بكريا ت اللحم و رمديهم في الفرينة و ديريهم في ثلاجة باش يحكمو روحهم مليح
امبعد كي تخرجيهم اغطسيهم في البيض ثم الشابلور و قليهم وزينيهم باعواد الكرز ادا كانت متوفرة
عند التقديم حطي قطع اللحم في الوسط وحطي حبات الخوخ مديروهمش في الطنجرة لانهم يشربولك المرقة
زينيهم بمعدنوس
و شهية طيبة
تحيآآآآآآآتي..
شكرا ليك
حنا منطيبوهش عندنا حاجة جديدة بالنسبة ليا