جبتلكم احسن وصفة للشعر الجاف
اولا / عندي نصيحه متبعوش اي حاجة تسمعوها تروحو ديروها الا ادا كانت مواد طبيعية اما المواد الكيميائية اتونسيون تغامرو و ديروهم ولو تخرج على اختك بالاك ماتخرجش عليك
مرة رحت لزين الاتات نحوس على زيت للتقصف عطالي زيت غالي شوي و بانلي فيه مواد طبيعية بالصح مللي درتو الله لا يشوفكم وللا سلكة تاع الصح وللا يطيح و ناشف و مقصف و بقات تأثيراتو قريب عامين باش نقص منها وليت طبيعي في طبيعي و الحمدلله رجع شعري و عرفت مشكلتو و احل تاعو
المهم
خلطة للشعر الجاف و الخفيف … مجربة و مضمونة الف في المية ومكش اسهل منها جربيها مرة و تعودي ماتصبريش تعاوديها
ديري صفار بيضة ..شوي زبدة ستار .. زيت زيتون .. بواطة ياوورت طبيعي .. الزيوت ديري كيما حبيتي لي عندك ساعات كي يعود معنديش الياوورت منديروش وللا معنديش الزيوت ندير صفار بيضة و زيت المايدة برك .. المهم واصلي عليها و متحبسيهاش
الوصفة الاصلية تقولك زيدي خميرة الخبز صح هايلة ياااااااااااااسر بالصح ريحتها يعععععععععع … اخطيكم منها
اغسلي راسك و بعدها ديري الخلطة و غطي راسك و بعدها اغسليها غسلة خفيفة و شوفي … واهداي ادا سشورتيه ايهيييييييه وش يوللي تاخدي رايي عودي غطيه على العين :d
[COLOR="rgb(139, 0, 0)"]
ايا لبنات نوضو نفضو الغبرة على رواحكم ياو امك و بيك راهم كرهو من شعرك المكشرد روحي اعدليه وازعبلي على داركم[/COLOR]
يعطيكـ الصحة
والله ملي دخل رمضآن نقص اهتمآمي بشعري كآنوآ كآمل يغيروآ منوآ 
دركـ لآزم نجرب هآدي بآش يولي كيمآ كآن
اححم هههه
مآرسي ختيتي تعيشي ننتظروآ جديدكـ اكيد
يا ختي الشعر المرا تاجها هو الصح في زين المرا
… راني حاسة روحي غالطة في القسم راني شوي دايخة نروح نتأكد ههه
|
ايه نصف جمآل المراة في شعرهآ
لتآني الطيآب والكوزينة عليه 
ولآ تآني يعييني طويل بزآف رآني حآبة نقصوآ ومآمآ محبتش ههه
ثآبت رآكي في عآلم المرأة مي القسم معلآبآليش اجري شوفي اجري هههه
راهى تبان مليحة قوليلي منلقاش عندك وصفة تقوي شعر باسكو شعري ولا خفيف بزاف
الف شكر على الافادة
|
الكشرودة رقم واحد هههههه
|
الكشرودة رقم زوج اهلا بيك ههههههههه
ايه مليحه اديها من عندي
تقوي الشعر نعرف الثوم و مجربينومليح هايل بالصح وصفة معينة ولله ما نعرف
انا مللي كان شعري يطيح بدون قصد كنت ندير في زيت الصبار و زيت السمسم و اللوز و الخروع كل يوم ندهن بيهم و للا نديرهم ماسك خاطر بعدها بمدة لاحظو شعري بللي رجع كثر و معادش يطيح ياسر
الله يبارك جرتك مرابطة وانا لاخبر
وسمعت بالثوم رانى عقابو ان شاء الله نلقي نتيجة زينة
يعطيك الصحة
صحيتي زينونتي