وش راكم لبنات لاباس؟ ان شا الله تكونو كامل بخير
جبتلكم اليوم طبق باهي وبنين ومافيهش تكاليف بزاف
للجماعة لي اد حالها كيما انا ههه
مانطولش عليكم ندخل في المفيد
هاهو الشكل النهائي للطبق
المقادير:
للطبق : بطاطا مشرشمة (طايبة في الما)+نص فنجان حليب+ دبشة او معدنوس+3بيضات+جبن كيما تحبي كلما كثرتي كان افضل+فلفل اكحل+ملح+زيتون اخضر
الصلصة: بصلة مفرومة+4 ثوم مفروم+ دجاج شوية برك للبنة واذا عندك بزاف ديريه
hiny:+خل+زيت+ليمون+3ملاعق طماطم مصبرة+توابل(انا درت فلفل اكحل+كسبر)+ملح+ما باش نمرقوها
التحضير:
الصلصة:
تبلي الدجاج وحطيه يتقلى في (نص فنجان زيت+نص فنجان خل) كي تشوفيه تقلا مليح زيديلو البصل والثوم وكي تشوفي البصل والثوم بدا يتغير لونهم زيدي الطماطم وشوية هك مرقيها
هاهي لاصوص تاعنا بعدما وجدت
ضركا نجيو لطبق البطاطا
كي تشرشمي البطاطا في الما والملح اجبديها وارحيها ضيفيلها الملح والتوابل (انا درت فيها الفلفل الاكحل برك) ، زيديلها الفرماج والبيض والزيتون الأخضر والدبشة والحليب
ملاحظة : لكان عندك فيونداشي ديريه معاها انا ماحضرش برك هههhiny:
كي تكملي جيبي البلاتو الخاص بالموسكوتشو
وادهنيه بالزبدة
انا كعاد البلاتو تاعنا يلصق بزاف درت papier aluminium hay:
وحطي الخليط تاعك هكذا
ولوحيه في فرن ساخن مسبقا
خليه يطيب هكاك 20 دقيقة شعليلو ملفوق
هاو ليكم كيفاه يجي
كي خرجتو لقيتو مازال ماحمارش ملتحت ad:
مالا خممت لثواني لقيت حل هه hiny:
قلبتو في البلا الكبير وعاودت دهنتو بأصفر بيضة+شوية طماطم مصبرة (فكرة تاع حورية المطبخ تفرجتها واحد النهار وتفكرت بلي بهاذ الطريقة اي حاجة تتحمر بالسيف عليها):rolleyes:
كيما هك
وكي طاب زينتو وحطيتو ، هاهو شكلو النهائي
وهذي بطاطا بقاتلي من الخليط هذاك وقليتها كيما السفيرية :rolleyes:
وش رايكم باهي ولا لالا؟؟ hay:
تفضلو ذوقو وقولولي رايكم :re_gards:
مممم قبل ماننسى هاذ الطبق ثاني مهدى بأخص الخصوصيات لأستاذتنا الجميلة شوشو
والى كل افراد لمتنا الغالية :re_gards:heer:
بانتظار ردودكم وتقييماتكم (تعلمت حكاية التقييمات انا ثاني ههههه)hiny:
تعرفي مع بعثتيلي دخلت نجري ههه
وسيرتو العنوان تاعو بيزار بعد قلت واش هادا الشعر الجذاب بلاعذاب
يممممممممممممممممممم راه يشهي نعاود لعشا اليوم جيبيلي الكسرة
ههه
وصفة جديدة بالنسبة ليا منعرفهاش
يعطيك الصحة يالشاطرة راكي كل مرة تتحفينا بأكلة نيووو
وشكلو باهي
ان شاء الله نجربو راني حطيتو في راسي خلاص ههه
ميرسي رمولة
|
هههههههه ربي يحفظك منغولتي
ايه دارنا ثاني ماتو بالفرحة كي شافوه :oi-o:مام كي كلاوه تعودي تقولي ههههه hay:
قالولي رومبلاصيتي اللحم بالبطاطا hiny:
الله يسلمك شوشوتي ، اني نستنى في التطبيق hiny:hiny:
(زعما وليت من الطباخات الكبار) hay:hay:
وشكرا عالتقييم حبيبتي:rolleyes::re_gards:
|
الله يسلمك حبيبتي ، نورتي:re_gards:
يعطيك الصحة شكل باهي وساهل
|
ههههههه ايه يبان pub على شمبوان ولا هههه
الله يسلمك غاليتي نورتي الموضوع heer:
|
نورتي حبيبتي ام نيفين ،، شكرا على التقييم غاليتي hay: