صلى الله عليه وسلم
اخواتي الفضليات انا اليوم عملت للعشاء شربة خضار لكن بطريقة جديدة ان شاء الله تجربوها او تدعولي
راي تجي بنينة
او باش نضحككم راو زوجي كان ما ياكلهاش
يقولي دائما يزينا من ماكلة المرضى و المستشفيات عفاكم الله
ههههههههههههه
لكن ملي جربتها بهذي الطريقة والله ياكلها بنهم
اليكم الوصفة
نحضر اولا المكونات الي في الصورة
ثم نضع البصل والثوم في قدر يتقلاو
في شوي زيت نباتي
ونبدا في تقليب الخضر مليح
ونستمر في التقليب مع اضافة الملح والفلفل
الاسود و التابل حتى تذبل الخضار نصيف
عليها الطماطم المقطعة
و نتركها تتشرب خلاصة الطماطم و حتى تطلق الخضار مائها
كي تذبل الخضار تماما نمرق بلتر من الماء
ونتركها تنضج
من بعد نصبها في اناء الخلاط و نرحيها
ومن بعد نقدموه
وعند التقديم الي يحب يحط شوي زيت زيتون
وانا زدت معاها قرنون طايب في الماء
وعملتلو صلصة بالقارص و الزيت والملح
صبيتها من فوق القرنون
ملاحظة :الي ما توالموش قشور الجلبانة كي حالتي انا نجوز الخضار انتاعي بعد لا يطيبو في مطحنة يدوية باش نتخلص من القشور ومن بعد نجوزها في الميكسور
والنتيجة راهي تجي هايلة والشربة تطلع كي الكريمة
ما تبخلوش عليا بتعليقاتكم وتشجيعاتكم
دمتم احبة
|
جربيها او ما راحش تندمي
لكن عندك تنسينا لازم تصوري تطبيقك و تشاركينا بيه
ربي يسهل ان شاء الله
موفقة
|
سررت بمرورك العطر
واصلي اختي انا واحدة من مشجعينك الله لا يحرمنا من افكارك و لا من طلتك الحلوة
حبيت نسالك بلا ملفوف ما تخرجش و شكرا لك انا في انتظار جديدك
|
والله ليا الشرف العظيم انك تكوني من مشجعاتي
و يا رب يخليك على كلامك الحلو
نعم حبيبتي يمكنك ان تستغني عن الملفوف او تعوضيه باي خضار انت تحبيه مثلا القرنبيط او القرعة او اي نوع اخر
نورتي صفحتي وعطرتيها
|
و ربي يحفظك ويبارك فيك