ان شاء الله تكونو كامل مهنيات
اليوم جبتلكم وصفة حصرية سهلة ولذيذة
المقادير
– سباقيتي حسب الحاجة
-بصلة مقطعة قطع صغيرة
– لحم مفروم ( زوج بولات ولا 3 )
– 2 بيض مغلي
-ثوم
– ملح ، فلفل أسود وكمون
– كسبر اخضر
الباقيتي تحبي تقطعيها تحبي تخليها طويلة
طريقة التحضير :
نقلي البصل مع التوابل في شوية زيت
وبعد مايتقلى امليح نزيد اللحم المفروم والكسبر
خليه يطيب شوية
تكوني غليتي السباغيتي في الماء والملح ،، قطريها امليح وادهنيها بالزبدة ولا زيت الزيتون
بعد مايطيب اللحم زيديه للسباقيتي ورابيلهم البيض لي غليتيه
وهذا هو الشكل النهائي
في الفوطو ماتبانش تشهي ،،
جربوها وماتندموش ،،
بصحتكم
يمممم عجبتني الطريقة
وخرجتلك هايلة
يعطيك الصحة حبيبتي
تقبلي ودي
انا من عشاق السباقيتي ان شاء الله نجربها
|
يعطيك الصحة أختي على المرور العطر وتشجيعك
موفقة
|
مرسي على مرورك الطيب اختي
ان شاء الله تعجبك
و حبيت نقترح عليك انك تضيفى حبة طماطم نقيها و ارحيها و ورقة رند و شوية برك تاع طماطم مصبرة و امرقيها بالماء نورمال و خلي اللحم تاعك يطيب و كملى كيما قلتى
و الله العظيم تجى تقتل
و بالصحة انشاء الله
لكن حبيت نبعد شوية على لاصوص تومات
مرسي