ساعدوني في مفرش شرائط الساتان 2024.

السلام عليكن فحلات بلادي

ارجو منكن المساعدة واملي فيكم كبير

انا تعجبني بزاف التطريز بالحاشية بصح منعرفش حبيتكم تساعدوني واملي فيكم كبير

كاين موديلات عاجبيني فساعدوووووني

هذا النوع من الورود يعجبني اللي تعرفها تفيدنا

ها أنذا أخواتي العزيزات كما وعدتكن لنبتديء مع بعض دورة التطريز بشرائط الساتان
فإلى الدرس
اليوم اخواتي راح نعمل على الرشام الموالي

هاذ الرشمة تعاودوا تنقلوها على الورق الشفاف و ترسموها على القماش باستعمال ورق الكاربون

أول حاجة نديروها نطرزوا الأغصان بغرزة الغصن او point de tige و بخيط coton perlè أخضر ، ممكن أيضا نستعملوا الخيوط الخاصة بالتطريز
و اللي ما تعرفش غرزة الغصن او point de tige
هاذي رسمة توضيحية تشرح الغرزة كيف تكون

و هنا راني كملت كل الأغصان

و الآن نبداو في استعمال الحاشية و نطرزوا الأوراق
أختار حاشية 0.5 سم بلون اخضر حوالي 60 -70 سم في الطول و من الأفضل ان نتفادى ناخذوا اطوال كبيرة للحاشية لأنها ماراحاش تساعدنا في العمل راح تتلوى و تصعب علينا عملية الطرز و نحرص ايضا على ان تكون الجهة اللماعة للحاشية هي اللي ظاهرة
إذا الطول من 60 إلى 70 سم
قبل كل شيء نشوفوا كيف نبداو العمل و كيف ننتهي منه

نعملوا عقدة في نهاية الشريط

و العملية المهمة الأخرى اللي لازم نديروها بعد ما نعملوا العقدة نحرقوا شوية من حافة الشريط حتى لا ينسل

أما كيف نغلق العمل نتاعنا فسهل جدا ايضا
نقلب العمل و نعمل عقدة للحاشية تكون ملامسة للقماش نقطع الحاشية و نحرقها و كاين اللي تجوز عليها اصبعها و هي هكذاك سخونة فتلتصق بالقماش

و الآن نبدأ بالطرز ندخلوا الإبرة كما في الصورة

و على بعد حوال 1 سم نعاود ندخل الإبرة و نسحب الحاشية بهدوء و لطف ما لازمش نزبطوا في الخدمة نتاعنا حتى لا تنكمش و تكون عندنا ورقة جميلة

و نكملوا بنفس المنوال حتى ننتهي من كل الأوراق

و مع الغرزة الاخيرة و اللي هي الغرزة الفرنسية او point de noeud
هاذ الغرزة الصغيرة و الجميلة في نفس الوقت تستعمل بكثرة في التطريز بالحاشية
و حتى نفهم كيف نعملوها هاذي صور توضيحية للغرزة

و بنفس الطريقة نعمل لكن بالحاشية 0.5 سم و الألوان كل واحدة و ذوقها هنا اخترت الوردي و البنفسجي
إذا نخرج الإبرة فوق القماش

نلوي الشريط على الإبرة و الشريط يكون في يدنا و نشد عليه لكن بلطف

و نعاودوا ندخلوا الإبرة في القماش على بعد 1 ملم من المكان اللي خرجناها منه عند البداية و يدنا مازالها شادة في الشريط

و نسحب الشريط بلطف من تحت حتى نتحصل على هاذ الكرية الصغيرة

نكملوا نخدموا على حساب الرشام نتاعنا و في النهاية نتحصل

نقلت لك هذا الموضوع لتستفيدي منه في تعلم التطريز ومازال هناك المزيد ان شاء الله لتتعلمي اكثر
مع العلم اني لا اجيد التطريز بالحاشية فقط البرودي ومنذ مدة طويلة لم اخدم التطريز من هوسي للكروشي اتمنى ان تستفيدي ويستفيد الجميع
مما انقله هنا

نبداو ان شاء الله في تطريز اللأغصان و هاذ المرة اخترت نعملوهم بواحد الغرزة يقولوا لها le point corail

نشوفوا الصورة التخطيطية للغرزة ثم نتابع العمل من خلال الصور

هاذي الصورة التخطيطة

و هنا نشوفوا مراحل عمل هاذ الغرزة بالصور

استخدمت coton perlè أخضر اللون و ممكن جدا نستخدم خيط التطريز

هنا نخرجوا الخيط من تحت القماش

و على بعد حوالي 0.5 سم نعاود ندخل الإبرة ( هذا البعد نحاول نحافظ عليه في كل خدمتنا )

نزيد نخرج الإبرة على بعد 1مم

تابعوا البقية مع الصور

إنتهينا الآن من الأغصان و من le pt corail

و ننتقل لعمل الورود

ورودنا اليوم جميلة جدا

نسمي الوردة بوردة الأكورديون la rose accordeon

نبداو هنا في منتصف الوردةو نخرجوا الشريط من تحت القماش

الشريط هنا عرضه 1 سم و أحمر اللون

ثم على بعد حوالي 14 او 15 سم نلوي الشريط على الإبرة تماما كيما نعمل مع الغرزة الفرنسية pt de noued

من بعد نوجه الإبرة للشريط و نعمل غرزات كيما نعملوا un bati حتى نصل إلى نهاية الشريط

و نعيد ادخال الإبرة في القماش في نقطة قريبة جدا من النقطة اللي خرجناها منها عند البداية

نجبد الشريط من تحت القماش فتتكون هاذ الوردة الجميلة

نكمل كل الورود الموجودة في الرشام

بالنسبة لأوراق نستعمل الشريط 0.5 سم اخضر اللون و le pt de ruban japonais

هذا هو العمل بعدما انتهينا منه

يعطيك الصحة اختي
ربي يخليك ويجعله في ميزان حسناتك

wawwww raw3a

شكرا لكم يابنات انا جديد في المنتدى ولكن منكم تعلمت شكرا

يعطيك الصحة ماشاء الله عليك كان من المفروض يسموك مهوسة برودى افضل