ساعدوني من فضلكم ويناه الاحسن؟ ويناه لي فيها مستقبل؟
و الله قالولي شبه الطبي احسن أنا ندمت لي دخلت الجامعة و حدة صحبتي قرات شبه الطبي و خلصت قرايتها و راها تخدم
في مستشفى كبير في وهران الله يبارك و أنا مازلني حاصلة
و يقولو ان دراست شبه الطبي مضمونة لخاطرش يدو على حساب لي بوست لي يحتاجوهم
حق حبيت نسقسيك نتاع باراميديكال يقبلوا الادبيين انا متحصلة على باكالوريا 2024 بصح ما نعرف اذا يقبلوني اذا يقبلوني قوليلي ماندخلش للجامعة ونقراها
اهلا بك
انا ختي تقرا علوم طبيبعة
قالت دراسة بيولوجيا مثل ما يدرسوووووووووووووو جماعة الطب والشبه طبي
زائد
صاحبي عندو اخته درست بيولوجيا وتخرجت وراهي درك تعمل في مستشفى مختصة في التحاليل
ولك الراي انت اختي
لتقدري عليها شوفيها
وماذا بيك تسقسي اكثر سيرتو اهل الاختصاص
……………………..
اما عن البنت لدرست ادبي لا يمكنها دراسة الشبه طبي لانه يقبل الا العلمييييييييييييييييييين
بالتوفيق لكم جميعا
اتكلي على ربي و ادفعي و ماتسمحيش في الجامعة بويسك فيه كونكور يا ختي
يعني ماشي غير تدفعي معناها غادي تقرايه
ربي يوفقك اختي
تحياتي
الباراميديكال خير من البيولوجي
بصح لازم تربحي في الكونكور
وعلى حد علمى كاينة قضية المعرفة فيه والله أعلم
أنا خويا دخل باراميديكال تاع سطيف وكى خرج طول لقى خدمة
وربي يوفقك
انا راح نعطيك نصيحة من وجهة نظري وانطلاقا مما راني نشوف عندي اختي العام اللي فات دات الباك بمعدل قريب من الجيد 13 سجلت نورمال فالجامعة وقرات يامات في نفس الوقت بقات تانسيستي على الباراميديكال المهم فوتت الكونكور تاعها واللي في اغلبو معارف في معارف فوتاتو هنا في خنشلة وكي نجحت في التخصص اللي ختاراتو وهو مخبرية بعثوها لعين البيضاء ولاية ام بواقي وكي نجحت سحبت الملف تاعها من الجامعة وراحت تقرا وعجبتها لقراية بزاف وراهي جويلية هادي خرجت سطاج فالسبيطار…انا من رايي حاجة مليحة بزاف على خاطر لي بوست اللي تنجحوهم فالكونكور هوما اللي راح تخدمو فيهم وبلاصة مضمونة في اي قطاع صحي نعرف بزاف اللي داروها وراهم ضركا بخدمتهم متهنيين …بالتوفيق اختي
من راي تديري باراميديكال خير
لانها فيها خدمة مضمونة وفيها تجوزي كونكور
واذا ماقبلوكش تكملي واش راكي تقراي عادي