كيف حالكم ان شاء الله بخير
هذا اول موضوع لي معكم وان شاء الله القى اجابتكم صريحة
منكم ياشباب
أنتم نازلين وطالعين في البنات وعلاه تلبسوا كذا وعلاه تمشوا كذا وتديرو
كذا …وكانه المشكل فينا وحبس عندنا بصح قولولي
الطفلة اللي تتبرج وتلبس لباس خاج مجال لتغطية
تدانو ليها ماقولناش ..هي الغالطة
بصح اللي مستورة ولابسة الجلباب علاه تدناو ليها وتمسعوها كلام مالازمش
علاه تقولوا …اواه انا وقيل نتزوج جلبابية -تتفكروا لكلام هذا غير لما تمر قدامكم وحدة جلبابية-
ماشاء الله ربي يحفظك – ربي يرزقني مرأة كيما انت –
الله يبارك –
ياك راهي مستورة وحشمانة واش اللي دناكم ليها علاه تخزروا فيها
مع انها ماراهي متبرجة ولامتزينة حطة ذاك الجلباب العريض
وحط رأسها وتمشي …بصح الكلام الزايد وعلاه
ممكن تجاوبوني بصراحة وتقولوا لي علاه تتكلموا بالكلام اللي ماهوش فايدة
وتدناو لبنات الناس حتى المستورات *لا اقصد احد *
ها الاجابة تكون بصراحة ..
ممكن اي شاب يجيب عن سؤالي لأنه يعرف أبناء جنسه كيف يفكرون
هاية ورويني شطارتكم ياشباب
انا معروفة بصراحتي ومازال تشوفي مني مواضيع اكثر صراحة
لكن انا احترمكم بزاااااااف
السلام عليكم
مابدكم تجاوبوا يالله خلي عندكم روح رياضية وجاوبوا :yahoo:
ولا الماتش شد انتباه الكل
يارب وفق فريقنا للفوز ان شاء الله 2 لنا 1 ليهم
اللهم امين
واذا صراتلك حادثة ليك من هذا النوع ديري في بالك بلي لي دارها ماهوش يمثل الفئة نتاع الشباب كامل ,
نتمنى نشاله ماتتعاودلكش لا ليك ولا لاي وحدة , و مدامك جديدة في النادي اسمحيلي نرحب بيك هنا ماشي في قسم الترحيب هههههههههه بارسكو نعيى نحوس على موضوعك ,اهلا وسهلا بيك معانا ونشاله اقامة طيبة بيناتنا ,حاجة ماتخصك رانا هنا .
يا ختي لعزيزة حاش لي ما يستاهلش بنات خرين ما خلاوش رواحهم في القدر تلقايها بلجلباب وهي ماشي مهنية روحها والشباب لاحظو هاذ الشيء عليها ما ولاوش افرقو بين لبنات وانا شخصيا صرالي شحال من موقف نفوت على شباب واقولو ا نتوما يا لحجوبيات خداعات واغيضني الحال بزااااااااااااااف ولاني والحمد لله انسانة مح**** ما نرقدرش نهز راسي نخزر فيه ونردلو سمحيلي يا اختي صح كاين لي دار الحجاب لوجه ربي الكريم وكاين لي لالا وشكرا على الموضوع .
اعرفيها وحدك
سلام
الراجل عمرو ماراح يتدنى لطفلة كون ماتفتحلوش هي المجال
للاسف كاين بعض البنات شوهو البنات كامل وعاد الراجل يدي نضرة خاطئة على البنات كامل
الطفلة المح**** عمرو ماراح يتدنى ليها واحد
اما على المعاكسات نتاع الرجال فهذي غريزة فيهم ما يقدروش يتخطاوها الا من رحم ربك
بصح كابن اللي ماقراوش موضوعي مليح
انا قلت الفتاة المستورة المتحجبة اللي تحشم من خيالها ويدناو ليها
وعلاه؟؟؟؟؟
نتمنا نكون وصلتلك فكرة وشكرا علي السؤال الجريئ وتقبلي مروري