سلام اهل للمة من الراقدين و القاعدين و الي غالبهم شعبان
سلام للاعضاء العضوات و العضوات الاعضاء
ليوم جبتلكم جرنان بصح لازم تقرووه
الله غالب درت المستحيل باش نختصر
قرب رمضان و قربت المشاكل و المناورات الخطيرة للكنة و العجوز و كل وحدة توري شطارتها
جبتلكم ليوم شوية تاع امثال شعبية جزائرية من نوع اسلحة دمار شامل
تخدم بيها الكنات و العجايز في الحرب العالمية المشتعلة من نهار حطت فيه الكنة
كرعها في الباب تاع دار العجوزة
كيما تعرفو دايما العجوزة كي تكون الكنة تخدم تبغي تنارفيها
العجوز: الله لا يخليني لليدين الله يخليني غابة و ناس حطاابة
نورمالمو حاجة مافهمتوهاش خاترش هادي كلمات مشفرة بيناتهم ههههه
بلبشويو نفهمكم راهي تقولها ندعي ربي باش نبقى بصحتي وانا الي نخدم في داري
مع العلم الكنة هي الي دير كل شي الله يحفظ و يستر من هادي العجووز
كنتنا الساجية ترد علييها باينة الشقة على حواشيها
العجوز ترد اضحك يا فمي على همي هههههه العجوزة تشكي همها من كنتها
الكنة :تقول صح معاك حق هم يبكي و هم يضحك تضحك و تقهقه
ههههههههههههههههههه
العجوز : يعزيك في راسك الضحك يضحك على الضحك و الضحك يضحك عليهم رحنا لدار المهابل حرنا شكون يدبر عليهم
كي تكمل الكنة شغل الدار تسقد روحها و تجمل روحها كيما تقولو باش تغير لعجووز
العجوز : ( خصك السواك يا معوجة الحناك) تقصد تقوللها انتي أصلا ماتصلحيش للزين
هههههه و تقابل العجوز المراية باش تسقد روحها هي تاني
الكنة : ( سيدي مليح خصو الهوى و الريح ) يعني نفس معنى المثل السابق ( اللي فاتو وقتو مايطمع في وقت الغير)
العجوز : ( الدنيا بالوجوه و الآخرة بالفعايل)
يدخل الراجل عياان لدار و يصيب كل وحدة تحكي قصتها
يقول جملة واحدة ( كي سيدي كي لالا) يعني وجهان لعملة واحدة وهي الإزعاج طبعا
هههههههههه
و انا غادي نعلق على الي صرا بين الكنة و العجوز بمثل
*المسلوخة تضحك على المذبوحة و المقطعة شبعت عليهم ضحك *
يعني ماغاديش نقول معنا نخليها لكم و الي يصيبها يفليكسيلي
هههههههه نشالله تكون عجبتكم
ملاحظة صغيرة برك انااااااشد كل البناات باش يديرو ديارهم وحدهم و حذاري حذاري من السكنة مع العجوز خيما ماتفراش و الله مجربة و انا نصحوني بيها و بغيت ننصحكم تاني خاترش مانبغيش عليكم الغبينة تاع العجوز حتى كنتنا و نقولهالها بلاكي تسكني معا ماما خيما ماتفراش
ايا لية العودة بكاش حاجة نطلعو بيها المورال في هدا رمضان
ابليس يدخل للجنة
هههههه
صحيتى اختى نيهاد راكى جبتيها سوا سوا
تحياتى
|
قالك انا غي جبت النار و الغاز ماشي تاعي بصح متحصلوش فية ههههههههه
يعطيك الصحة أختي على الموضوع
من رائع إلى أروع
في أمان الله
هههههههههههههههههههههه
|
كون جيت في بلاسة الكنة نحرقها و نهني راسي
شكرا على المرور اختي
|