دجاج
حبة بصل
حمص منقوع
ملح + فلفل اكحل
لفت ( خردل ) + قرعة ( جريوات)
بيض للتزيين
ورشتة طبعا
الطريقة
نحضر اولا مرقة الدجاج
في طنجرة الضغط نسكرفج حبة البصل مع شوية زيت و زبدة + ملح وفلفل اكحل نقليها مليح ونضيفلها اللفت والقرعة والحمص وفي الاخير نمرق ونغلق الطنجرة
كي تطيب المرقة نصفيها ونترك الخضروات والدجاج الى جانب
نغلي حبة البيض ونحمر قطع الدجاج في الفرن
نبدأ بتجهيز الرشتة
اولا نحلها ونضيفلها شوية زيت وندخل الزيت مليح بالرشتة بالاصابع
ومن بعد نحطها تفور في الكسكاس لمدة 10 دقائق
ومن بعد نفرغوها من الكسكاس ونسقيوها شوية من مرقة الدجاج ونخليوها حتان تتشربها
ومن بعد نعاودو نفوروها لمدة 5 الى 7 دقائق
وفي الاخير نجمروها في مرقة الدجاج
بلا مانكثرو المرقة بش ما تتعجنش:wink:
وفي الاخير نقدمها ونزينها بالدجاج والخضراوات والحمص والبيض
شكرااا وبارك الله فيكي
باين عليها تهبل من ايديك الغالية
ضرك نقول لماما تجرب طريقتك لانها تختلف تماما على كيما نطيبوها احنا
يعطيك الصحة اختي
وتاكلوها بالصحة والهناء
|
شكرااا
|
الله يسلمك يا ايمان مقلتيش كيفاه تطيبوها انتوما
شكراا ربي يحفظك اختي ان شاء الله تجربهالك وتعجبك
|
لا احنا مانجمروهاش الرشتة
نفس المكونات ونفس التفوار ونفس التزيين
غير نسقوها برك مانجمروهاش
ان شاء الله نجربوا تاعك تبان لذيذة
وريتها لماما ضرك وعجبتها
قتلي ضرك نديرهلكم
ونحطلك التطبيق
مشكورة حبيبتي
واكيدد نحببببببببببببببببببببك
|
شكراا عفوفة ربي يحفظك ولا يحرمني منك غاليتي
في انتظار تطبيقك المميز حبيبتي
|
اااه نتوما تطيبوها كيما البربوشة تفوروها وفي الاخير تسقيوها
حتى طريقتك تبان مليحة
بصحتكم مسبقا امونة وماتنسايش تصوريهالنا:angel:
|
مرورك الاروع يا ام اصيل
شكرااا