كنت حطيت وصفة ليبنيي والحمدلله كاين بزاف عجبتهم سيرتو لي يحب يحشيهم لانو يجو فارغين
واليوم جبتلكم وصفة اخرى تنفع لدونات خفاف ويذوبو فالفم
المقادير
2 كيسان فرينة (الكاس عبار 250 ملل)
1 مغرفة كبيرة معمرة خميرة خبز
2 مغارف ونصف كبار تع سكر
3مغارف كبار لحظة
ملح
30غ زبدة
حوالي 180 ماء دافي
الطريقة
نخطلو جميع المقادير ماعدا الزبدة ونعجنو مليح مليح ثم ندخلو الزبدة بشوية ونعجنو مليــــــح
نخلو العجينة تخمر حتى يتضاعف الحجم
ثم نحلوها بالحلال على سطح مرشوش بالفرينة ونقطعوها دوائر نطوهم في سنيوة مغلفة بكيس او ورق ومرشوشة بالفرينة ونخلوهم يخمرو مليح
ثم نقليهم في زيت على نار هادية ونحطوهم في ورق ماص لانو يرفدو شوية الزيت
ثم زينيهم انا عملتهم بالشكولا بيضاء و سوداء و بالسكر وكاين رشيتهم بالسكر قلاصي
المهم حسب الرغبة حنا فالدار نحبوهم سامبل بالسكر فقط
والصور توضح اكثر
ان شاء الله يعجبوكم وتجربوهم 
صراحة يا شهرا افتحي محل زلابية وبيعي دونات برك ولي بيني وخاطيك تشوفي تولي مشهووووووورة
يعطيك الف صحة يا لعدرا جاووك اكيييييد تحفة
هاذاك الابيض شيكولا بيضاا ولا قلاصاج ؟
ندي اول حبة .سبقتني الاخت عفاف ………….ماعليهش
……..
تسلم ايدك يالشاطرة
يعطيك الصحة
يشهو يعطيك الصحة شهرازاد بارك الله فيك على الوصفة
جزاك الله خيرا