دولمة اللوبيا الخضراء من مطبخي 2024.

المقادير
كيلو لوبيا خضراء تكون منقية ومقسومة على اثنين ومن الاحسن تكون من النوع الطويل
لحم مرحي انا هنا استعملت لحم الداند ولكم الاختيار
1 بصل
قطعة لحم لكم الاختيار
4 فصاص ثوم
ملح+فلفل اسود+فلفل عكري
ملعقة طماطم مصبرة
حبة طماطم
التحضير
بعد منغسل اللوبيا ونقطعها نحطها تفور في كسكاس لمدة نصف ساعة

ثم نخليها على جنب ونحضر اللحم المرحي نضيفلوا 2 فصاص ثوم مرحيين+فلفل اسود+ملح+شوية معدنوس

ثم نقوم بتجهيز المرقة نسكرفج البصل والثوم واللحم و2 مغارف زيت وفلفل اسود وفلفل عكري وحبة طماطم تكون مرحية وشوية ماء+ ونخليها تتقلي مليح

نحطوا كاسرونة ماء تغلي وكي تطبخ نمرق بيها

ونغلق عليها حتى تعقد المرقة مليح
ونروحوا للوبيا نقوم بصنع حربوش من اللحم ونلصق فيه اللوبيا والصورة توضح اكثر

وكي نخلصها نجيب 3 حبات بيض وندربهم مليح

ونغطس كل حبة في البيض باه ماتتفسخش

ونقليها في الزيت حتى تحمار

وكي نكملهم نفتح الكوكوط ونتاكد من المرقة لازم ماتكونش بزاف جي على شكل صوص نرمي فيها اللوبيا ونرمي تاني اللوبيا الىي بقاتلنا
ونخليها تطبخ برك وطفي عليها

ان شاء الله تعجبكم الطريقة الجديدة والله البنة نتاعها تهبل تقول ماشي لوبيا خلاص
تحياتي

آممممم …

بآين عليهآ هآيلهـ ^^

يع‘ــطيك الصصصح‘ـــه آخ‘ــتي ..~

اممممممممممممممم دهبتو جاتك هايلة
انشاء الله نجربها

يعطيك الصحة ختي