دواء الانفلونزا 2024.

اليوم جبتلكم الدواء تاع الانفلونزا مهما كان نوعها
انا حكاية انفلونزا الخنازير مادخلتليش راسي داروها اليهود (شركة دوائية ) هذاالفيروس ونشراتو في الجو المهم مكانش منها و بلاكم الديرو اللقاح راه مادة مسرطنة قريت هذا الحبر في النت
المهم الدواء تاع الانفلونزا عندنا حنا الشاوية هو العيش او البركوكس بالقديد راه رائع مع البرد والعطلة .
المكونات
بصلة طماطم 4 سنينات ثوم
التوابل كسبر فلفل اسود ملح طماطم معلبة و الهريسة لي يحبالحاريكثر منها
القديد وشوية شحمة قدر مغرف قهوة

بطاطا لفت جريوات حمص مشمخ فول مقشر
بالنسبة للعيش درت سيم
التحضير نرحي البصل الطماطم+ الثوم الزيت الفول القديد الشحمة و التوابل نقلي المرق مليح و نمرق و نضيف الخضر بعد ذلك نسوم البركوكس اي نغسلو كالبربوشة و نخليه يشيح شوي نديرلو الزيت والملح و نحطو يفور كي يفورنبخو بالماء مليح راه يشرب الماء و كي يفور الثانية اذا مازال يابس نزيد نبخو و نفورو كي يفور مليح وتوجد المرق نلوحو قرون فلفل ونزيدو الطماطم المعلب مليح يجي احمر ونلوحو العيش يطيب ادا تحبيه بالمرق خليه بامرق مليح كي يطيب سقي في صحن تاع الطين و ياكل ساخن للانفلونزا ومبعد تشربلو كاس جنزبيل بالعسل و تبربر تحت الزاورة تنوض لاباس بك هذا هو اللقاح

الله يعطيك الصحة حقا الرجوع للاصل فضيلة مشكووووووووووووووووور

شكرا خرجة شابة

و الله عندك الحق حتى الجو يساعد على العيش سيرتو كي يكون حار و امحرحر شكرا على الروسات انشالله انجربها

allah ayjazik koul khééér inchallah

…………merci………..

يعطيك الصحة

مشكوووووووووووووووورة