كيفكم يا لماويات وضيوفها ان شاء الله تكونو بالف خير اسمحولي تاخرت في تنزيل الوصفات لظروف
هذه الوصفة من وصفاتي الخاصة اي نتاعي مانيش هازتها من النت او من جهة اخرى من مجهودي الخاص وتعبي ولهذا لا احلل ولن اسامح نقل وصفاتي من منتدايا الغالي اللمة الى اي منتدى اخر الا بذكر اسمي والمصدر منتدى اللمة الجزائرية والسبب واضح ارى ان الكثيرون يستغلون الفرص على حساب تعب الاخرون
هذه عجينة اكثر ما يقال عنها رائعة بشهادة اهلي وجميع اللي تذوقها عندي من جيران او ………
اتمنى تجربوها راح تعتمدوها من ريحتها وخفتها نقولو باسم الله وعلى بركة الله نبدا
المقادير
كيلو فرينة اي طحين
6 م/ك زيت عادي او زيت الزيتون او زبدة ذائبة لكم الاختيار كلها تجيب نتيجة وحدة
1م/ك سكر
1م/ك ملح
1م/ك خميرة خبز على حساب الجو في الشتاء مغرف ونصف والصيف مغرفة وحدة تكفي
علبة ياغورت طبيعي ضروري يعطيها نكهة مميزة
واخر شيئ واللي رايح يخليها قطن مغرف صغيرة بيكاربونات الصودا
وماء لجمع العجين نعجنها شوية ونخليها تخمر من نصف ساعة الى ساعة قل ربع
ومن هذه العجينة تقدري تعملي
الكرواسون المالح و الفطائر والسفنج و بيتزا وخبز و بانيني ………………………… ………واش حبيبتي
انا عملت منها بيتزا اسمحولي الصور اللي حفظتهم في لاكارت ميموار بقاو والبقية راحو مع البورتابل اللي خسرلي
عملت خبز عربي وخبيزات محشيين بالتون والبيض والفورماج
وانتن لكن الاختاير والابداع في الحشوات وفي الاشكال
طريقة الخبيزات قسمت الكمية اللي حابة نعمل بيها
طرحتها بالزيت مثل المسمن وحشيتها وقفلتها مثل رزمة العروس وروليتها اعطاتلي هذا الشكل ودردرت عليه الفورماج رابي ومدة الطهو عينك ميزانك
وهنا صورة العجين بعد العجن وبعد ما طلع
وتحياتي للجميع ولا تنسوني بالدعاء
يعطيك الف صحة خالتو
مي حبيت نسولك ما فهمتتش الطريقة كاش درتي في الديكور تاع هادي
|
شكرا لمرورك حبيبتي خولة01
الطريقة بعد ما تحطي الحشو هزيها من الحواشي مثل الرزمة وروليها وعاودي هبطي الحواشي على جوانب الرزمة تعطيك هذا الشكل
بارك الله فيك و جزاك خيرا
و اكيد رايحة نجربها
^^
ربي يناولك لي في بالك يا رب
ربي يعطيك قد قلبك الطيب