حوتة كبيرة في الفرن بيدي 2024.

راني جبتلكم طبق من بيتي واللي هو سمكة في الفرن
اولا تشري سمكة تاعك بوزن 1كغ او في هذه الحدود اقل اكثر مش مهم
المهم هو انك تغسليها وتنقيها مليح ومن بعد تحضري الشرمولة ترابي الثوم مع الملح وثاني طماطم مصبرة وكمون وفلفل اسود وكسبر ناشف ومعدنوس وقليل من الزيت وقليل من عصير القارص باه يقضي على هاذيك الريحة اللي فيها

ومن بعد عمري الموتة وخليها بجيهة مدة لا تقل عن الساعة لتتشرب هاذيك البنة تاع الشرمولة
ومن جهة قطعي دوائر بطاطا واحمريهم في الزيت على نار قاوية
وفرشيهم في بلاط يدخل للفرن وحطي من فوق هاديك الحوتة وزيني بالفلفل الاخضر الحار وثاني الطماطم واغلقي عليهم بورق المنيوم ودخليها للفرن نسيت حاجة زيديلها 1/2فنجال زيت وفنجال ماءومن بعد اغلقيها ودخليها للفرن مدة 1/2ساعة الى ساعهة غير ربع حسب حجم السمكة وتكون واجدا وبالف صحة
وهاهم الصور المرفقة

يعطيك الصحة هايلة ربي يحفظك

شكرا لكل واحدة رف اسمها على موضوعي وتركت بصمتها وتوقيعها

الله يعطيك الصحة