هذا القاطو لي صنعناه للعيد
ان شاء الله يعجبكم …و كاين وصفات أول مرة نجربوهم
نبدا باسم الله
.
.
.
.
.
.
1-البنيون تاع الاخت ندى الورود
2-قلوب الصابلي بالبيمو لقيت الوصفة فأحد المنتديات
3-المشوك
4-البقلاوة
5-تشاراك العريان
6-صابلي قاطو غولي
و درنا تشاراك المسكر و حلوة الطابع ..غدوة ان شاء الله نحط التصاور
قولولي رايكم بصراحة
بصحتكم وتقبل الله منا ومنكم صالح الاعمال
يعطيك الصحة
صح فطورك وتقبل الله صيامكم
حنا ثاني درنا صابلي قاطو غولي و عجبتني بزاف الوصفة
ربي يحفظك ختي
تقبل الله منا و منكم الطاعات و غفر لنا الزلات
=)
معليش la reussete
|
المقادير
2علب بيمو-3بيضات-1خمارة اوملعقة صغيرة بكربونات-3ملاعق ك عسل-2 ملاعق ك كاكاو-250غ مرغرين -الفرينة حسب الحاجة
الكريمة
كاس حليب+2مك ونصف مايزينة-قرصة ملح فوق النار حتى تخثار
بعد ماتبرد نضيفولها 125غ مرغرين+كاس سكر رطب+فاني او عصير ليمون او عطر الفراولة نضربهم مليح بالباتور
الطريقة
نرحي البيمو رقيق جدا نضيف له المرغرين الطرية (ليست ذائبة)ثم البيض – العسل+الكاكاو+الخمارة او البكربونات ونبداو نلمو لعجينة وبعدها نضيف الفرينة بالشوية حتى نتحصل على عجينة طرية نحلها بالرولو ونقطع شكل قلوب ونديرها في الفرن بعد ماطيب وتبرد نلصق كل قلبين مع بعض بالكريمة ونغطسهم فالشوكولا الذائبة ونزينها بالطلية البيضاء
ملاحظة هذي الكمية تقطع حوالي 80حبة على حساب القلب اللي تقطعو بيه
شكرا للاخت اسيل على الوصفة … المذاق ديالو بنين و الشكل هايل
وصح عيدكم
|
الله يسلمك اختيتي=)
عيدك مبارك