قبل كل شيء نقولك صحا رمضانكم وكل عام وانتم بخير انا عندي اقتراح وحابة تعطوني رايكم فيه وتشاركوني تاني انا حابة كل وحدة منكم تدير قاطو جديد تعطينا الكيفية على خاطر كاين الاغلبية نتاع الحلويات المقادير نتاعها ماتكونش مظبوطة وبالتالي رايح تأدي الى خسائر في المواد المستعملة على هادي الي حبيت تكون الحلوة الي تحطوها هنا تكون مجربة وناجحة +وضع الصورة نتاع الحلوى اذا كان في الامكان
حبيت تاني نسقسيكم على زوج حوايج
1 هاد القاطو
حبيت نعرف كيفاش داروا الشكل نتاعو هكا
2هاد القاطو 
وشنو هي المقادير نتاوعو الصراحة عجبني وحابة نسييه هاد العيد
نتمنى مانكونش طولت عليكم
مابقالي غير نقولكم صحا فطوركم ……
|
صح رمضانك أنت والعائلة
بالنسبة للقاطو رقم 01 . راهو مخدوم بالفوندون وراه مجردطابع مايخلعكش الشكل
و للأسف مانعرفش العجينة تاعو
أما بالنسبة للنوع الثاني
عندي مقاديرو و في اقرب وقت نكتبهوملك….عملتو العيد الي فات
وراهو يتطبع ومن بعد يطيب ومن ثم يلصق بالمربي وعلى الجناب نلصقو فيه الكاوكاو أو الجلجلان أو النواد كوكو أما اما التزيين من الفوق يعني الوجه تاعو رانا نعملو كريمة الميرانغ و نخطوها في البيسطولي ومن ثم نشكلو وردات متلاصقة و نحطو في النص الكونفيتير مع الزهر و الملون الغذائي الأحمر
وهذا كلشي
اتمنى ان أكون أفدتك
:re_gards:
الله يعطيك الصحة
هده ماشي حلوة هدا فن