حلوة les oursins
**المقادير
250 غ دهان دايب و بارد
4 بيض
كاس سكر عادي
100 غ كاكاو
100 غ مايزينة
2 كيس خميرة كيميائية
ملعقة صغيرة لافاني
فرينة حسب الحاجة
**الطريقة
1)السكر + الدهان الدايب ==> نخلطوهم بالباتور حتى يدوب السكر .
2)نزيدو البيض حبة حبة و نخلطو مليح دايما
3)نزيدو الكاكاو و من بعده المايزينة ( لازم نغربلوهم)
4)نزيدو شوية فرينة و معاها الخميرة الكيميائية و لافاني.. تم نزيدو باقي الفرينة ..حتى الحصول على عجينة طرية
5)نشكلوها كويرات متساوية .. و نطيبوها في فرن مسخن مسبقا .. تطيب غير من التحت ..مالازمش طيب بزاااف.. غير قد ما تولي وردية اللون من الاسفل
6)نغطسو الحبات ف شكولا دايبة و نزيدو من بعد ف الفارميسال
ملاحــــظة:
حبة الحلوى لازم تزن بين 20 و 25 غ …الوصفة فيها 2 خميرة كيميائية ..لازم تصغرو الحبات الا ماعندكمش ميزان .. باش يجي شكلهم ظريييف
او
هاذي حلوى هايلة ماكانش اللي داقها وما قالش بنينة وزيد الدراري يحبوها بزاف
على جال الشوكولا اللي فيها
المهم ما نطولش عليكم
هايليك المقادير
250غ مارغرين
1 كاس سكر عادي
4 بيض
2 ملاعق كبار كاكاو
200غ مايزينة
حوالي 200غ فرينة
1كيس خميرة
1 فانيليا أو معطر موز
للتزيين
شوكولاطة ذائبة
فتائل الشكولاطة
الكيفية
في إناء اخلطي جيدا السكر المارغرين الطرية والفانيليا،ثم أضيفي باقي المقادير على التوالي واخلطي جيدا كل مرة حتى تتحصلي على عجينة طرية سهلة الاستعمال ولونها بني
شكلي كريات صغيرة وضعيها في صينية فرن مرشوشة بالفرينة ومن بعدها اطهيها في فرن ساخن 150درجة لمدة 20د
بعد الطهي اتركيها تبرد ثم غطيها من جهة واحدة بالشكولاطة الذائبة والفتائل
ميرسسسسسسسي ع المرور