حلوة الكوك بالكريما
هاد الحلوة رائعة نتمنى تجربوها كنحتاجو كيلو كوك 12بيضة كيلو لاروب ديال سكرسنيدة 2معالق صغار فاني غبرة معلقة كبيرة العسل عقيق فضي لتزين او فواكه معسلة
ناخدو ابيض البيض فقط غادي نعبروه بالكاس اي كاس مهم لي خرج ليك ديال البيض غادي تديري ضعف ديالو سنيدة متلا خرج ليك 2كيسان ابيض نديرو 4كيسان سنيدة و هكدا نخلطو البيض مع السنيدة و قرصة الملحة ونضربو مزيان البيض فوق حمام مريم ضروري الضراب الكهربائي نضربو حتى تقساح الكريما تولي واقفا تم نوقف الضراب نحطو الكريما تبرد راها واجدا ما تخفوش تطفى حيت راها طيبا واخا تبقى اسبوع في التلاجة ملي تبرد نضيف الكوك مع الفاني مع معلقة العسل نخلطو مزيان تم نخرجوها بالبوق و نزوقوه بعقيقة او طرف فاكهة معسلة
نطيبوها في فران ناقص بزاف باش ماتحرقش الا كان فران الزنقة راه كيصرعها اكتر بالصحة و الراحة
حلوة معمرة بالبرقوق
نحضرو العجين ب 500غ فورص كاس دانون فاني كاس صغير سكر كلاصي نعجنوها ماء الزهر رابعة الزبدة
نطيبو ابرقوق بحال الا بغينا نخضرو بيه اللحم يعني نعسلوه تم نصفيوه نطحنوه مع معلقة القرفة 3معالق سكر سنيدة انا استعملت رابعة البرقوق جات مقادا مع العجين تم نعمرو ها ملي تطيب نفندوها في سكر كلاصي
بصحتكم
حلوة البهلة
كيلو فورص 200غ سكر كلاصي 2خمارات زلافة الزيت 175غ زبدة مارغارين معلقة سمن حار معلقة صغيرة قرفة كاس جنجلان محمر
حتى صباح كتغير كتولي رطبا نخلطوها مع الخمارة الباقية و نكورو غريبة نطيبوها في الفران تكون عافية من الفوق باش تفرقع
حلوة الشياطا بالشكلاط
هاد الحلوةمخلطين فيها كل هاد لحلاوي زيادة على شي حلوة كانت عندي في الثلاجة و زيادة على شويا البهلة تحمرات لي بزاف شويا كاوكاو شويا كوك تفرتيت الفقاص شويا جنجلان يعني الباناشي ديال الحلوة ههه طحنتها في الروبو خلط
تها مع العسل لي شاط لي من بحلاوة كورتها غطستها في الشكلاط و درتها في كويغطا ت و زوقتها بالفرمسيل ملون
ملاحظة:
الا انت عندك الحلوة في التلاجة ضروري تسخنيها قبل الاستعمال و حتى سلو الا شاط ليك راه يجي فيها روعة
بالصحة و العافية
جزاك الله كل الخير
بارك الله فيك على الوصفة اللذيذة
جزاك الله كل الخير