ان شاء الله تكونو بخير
عندي مووووووودة محطيتش موضوع هنا 
راه غير موضوعي الثاني نضحك برك 
ليوم mlina جابتلكم وحد النبتة الي يسموها el guernina
و هي نبتة شوكية تنمو في منطقتنا بزاف و نديروها مع الطعام اونجينيرال بلقباسلية نقولولها thaghdiwth
و للعلم أنو هذي النبتة مهمة بزااف مهمتها تصفي الرئتين
نبداو مع الصورة ديالها نسيت مصورتاهلكم من البدية هذي لقيتها في عمي قوقل باه تشوفوها كيفاه مدايرة
و هذي بعد ماتنقات من الشوك ديالها تتقطع هك
المقادير
عندنا بصلة + ملح + فلفل أكحل + فلفل أحمر + شويا طماطم مصبرة + الحمص
+ فخذ الدجاج ولا الداند كما تحبو نتوما
طريقة الطبخ
نديروه هذو الي فوق من غير الحمص بيانسور
يتحمسو كامل مع بعض
بعدها نضيفو ماء يارب ربع لترا متحبش بزاف الماء
كما هك يعني
بعدها نضيفو الــgــرنينة ديالنا
كما هك
و تحطي بعدها الطعام يفور في نفس الوقت
و كي يوجد الطعام تكون واجدة هي ثانيك
و تحطيها بعدها
بصحة الجميع
نتمنى يكون الطبق عجبكم
نتلاقاو مرة اخرى ان شاء الله
في كاش طبق جديد
دمتم بخير
والسلام عليكم و رحمة الله و بركاته
اول مرة نسمع بلي القرنينة يطيبو بيها
وهكا تعرفنا على ماكلة تقليدية تاع القبايل يعطيك الصحة ياالفحلة
|
ركي تشوفي ياساندي درتها طياب
صح القاطو خاطيني قلت نرقعها هنا
مرحبا بيك في كوزينتي يا السندرلا ديالنا
اممممم يا ميلينا انا نموت على البربوشة هي البلا بريفيري عندي
حنا عندنا البربوشة بالقرنينة نديروها في الربيع نتغداوها ولا نتعشاوها تجي اممممممممممممممممم واش نقلك عندي يومين برك وانا ناكل فيها
يعطيك الصحة ودمت وفية للكوزينة ماشي تحطي خطرة ولا زوج ومنزيدوش نلقاوك خلاص هيا هيا الكوزينة تناديك وملي دخلتيها انا نقلك مكانش خروج
هو دخول الحمام زي خروgوووووو
يعطيك الصحة قطيطة راكي فحلة الله يبارك
مدام جبتي القرنينة حب يقول الربيع دخل صح^^
احنا نديروا بيها الطعام لكن نفوروها برك وناكلوها باللبن احم ههه
يعطيك الصحة حبيبة
باقي نزوجوك برك خخخ
|
خليها بيناتنا برك بصحتك القرنينة هي مندنش كاين احلى من مذاقها حنى كي نطيبوها نديرو عليها لطاك
رنا نبروفيتيو فيها مدام وقتها درك
كي حكمتوني في الكوزينة هذو ليامات رني مليحة هههه المشكل بزور لايخلوني نصور حاجة كل مانجي نصور نلقاهم حامو على الطابلة يقولولي واش هذي لجياحة و ليت نغلق الباب باه ميعرفوش انو طاب حتى نصور باه نعيطلها هبلووووووني نسي نكون فيدال ليكم بصح منوعدكمش
|
حنى جامي جربناها هكاك نسيها و نشوف
عجبتني هذي نزوجوك مساكن هذوك الي ديما يحطو
مشافوهمش انا لي حطيت خطرا برك تزوجوني
هههه خير ندير لشان وين نبان انا
ههههههههههههههه والله يافلة غير دروك كنت نقي فيه شوفي رحت صورتو وجيت هادو جبتهم من لابو……… ههههههههه
شوكني ههه وحتى احنا نقولولو القرنين
بصح مانطيبوهش هاكك انا نديروه مع السبانخ والسلق
الصراحة اكلة غيبة ولكن تبقى من عادتكم وتقاليدكم 
ولينا الشرف باش نتعرفو عليها
بالصحة والهنى مانخافش عليك راكي تليقي فالكوزينة
يبان يشهي
احنا نسموه خرشف بالنسبة ليا مانحبوش
ايا مزية شاطرة في الطياب
|
مدام رهي قدامك علاه متجربيهاش
تقوليلنا رايك طيبي غير شويا ولا خفتي هههه
كما يقولو تجربة
رني نضمنلك متندميش وتشرفيني تديري تطبيقي لوصفة ملينا هههه
حقيقيلي حلمي