هاذ رغيفات تيجيو زونين ومقرمشين ومورقين مفضلين عندي
تتمنى ينالو اعجابكم وتجربهم رغيفات مقلين تيجيو مقرمشين بتفصل
المقادير :
نصف كيلو فورص
1 بيضة
1 فاني
1 خمارة
شوية ملح
شوية سكر
ماء دافي للعجن انا هنا درت غير ماء عادي
لتوراق : زيت وزبدة وتنرش بنشا وشوية لخميرة لحلوى
لعسل وزنجلان اختياري
الطريقة :
في قصرية عملت الدقيق ولخمارة ولفاني وملح وسكر وبيضة ثم نخلطوا الكل و نعجنوها بالماء و ندلكوها مزيان و العجينة تكون قاصحة شوية تم نغطيوها و نخليوها حتى ترتاح شوية و ندهنوا يدينا بالزيت و نكوروها كويرات صغار في حجم المشمش و ندهنوهم بالزيت تم نخليوهم يرتاحوا شوية
كنسرحو الكويرات العجينة بشوية الزيت والزبدة و نورقوهم مزيان ونرشو بشوية نشا ولخميرة الحلوى هذا هو سر باش تيجيو مورقين من داخل
عاد تنطويوهم على شكل مربع وهكذا حتى نكملو لعجين عاد نبداو نقليو في الزيت ساخن
نخليكم مع الصور
تسلم الأيادي يعطيك الصحة
|
|
|
كون زدتيهم بتعميرة تاع اللوز مسلوق مقلي مدقوق و ما الزهر و مسكة حرة و شوي قرفة يطلعوا واعرين
تبارك الله عليك
|
الله يبارك فيك احبيبة ديالي