هاذ رغيفات تيجيو معتبرين ولاو مفضلين عندي
المقادير :
ربعة طحين
ربعة الفينو
شوية ملح
طرطقة لخميرة الدار
ماء دافي للعجن
لتوراق :
الزيت والزبدة ـ نشا انا ماكانش عندي درت غير طحين
زيت للقلي
وعسل انا كان عندي حر بنكهة زهرة الليمون يمممممممممم
الطريقة :
تنجمعو لعجينة بالماء الدافي تندلكوها جيدا ونخليوها ترتاح عاد نكوروها كويرات
ونغطيوها ترتاح ونبدا ونكرصو فيها بواسطة زيت ونرشو وجها غير بشوية النشا انا ماكانتش عندي درت غير فورص
نربعوها نقسموها على جوج بواسطة جرار ونقليوها في الزيت ونصفيوها جيدا ودهنوها بالعسل ونزينها بالموجود عندك
انا شي عسلتو وشي خليتو لمول دار ناشف وبقات مقرمشة وغزالة وتعمدت خليت وحدة حتى ليل باش
نتاكد واش تتبقى مقرمشة ولا لا ساعة بقات مقرمشة 
ونخليكم مع الصور
تتمنى ان ينالو اعجابكم و تجربهم راه تيجيو زوينين
راهم يشهو
يعطيك الصحة
|
|
|