قالك واحد الجماعة كانوا قاعدين مور الباطيمة يزطلوا خلاصلهم الكبريت بعثوا واحد فيهم باش يجيب من عند السكان ايا دار دورة حول الباطيمة وجاليهم قاللهم معندكمش كبريت قالولوا اقعد رانا بعثنا صاحبنا يجيب.
قالك خطرة مرسيداس خطبت ايركات الايركات مقبلتش موراها بشويا خطبها تراكتور قبلت بيه قالولها ياخي جايحة تخلي المرسيداس وتقبلي بالتراكتور قاتلهم انا منديش المرسيداس نهار ماطول وهي تهوم ندي تراكتور من الخدمة للدار.
قالك واحد اعور قالولوا واش امنيتك في الحياة قاللهم نشوف كل واحد يمشي وحدوا.
قالك واحد الديك كانمع زوجتوا جايزين على محل شوارمة فيه صورة لجاجة محمرة قالها شفتي هذا هو مصير لي متخذش راي زوجها.
قالك استاذ قال لتلاميذوا لي راه يحس بلي روحوا غبي يوقف التلاميذ كامل بقاو قاعدين غير واحد فيهم وقف قالوا الاستاذ راك تحس روحك بلي غبي قالوا التلميذ لالا غدتني حبيت نونسك.
قالك خطرة الارهاب داروا فوباراج بداو يحبطوا في المسافرين ويقتلوا فيهم لحقوا لواحد لعجوزة قاللها الامير ديالهم واش اسمك قاتلوا الزهرة قاللها اسمك كيما اسم يما والله منقتلك موراها كان واحد الشيخ قالوا واش اسمك قالوا اسمي علي بصح يزgيولي الزهرة.
قالك واحد النكتة دخلت للحبس في بالكم علاه……….قتلت واحد من الضحك.
قالك واحد الجن عور راح يدخل في واحد دخل في الحيط.
قالك واحد غبي لدرجة كان حاط كاسكيطة ديالوا في المقعد الخلفي نتاع الطوموبيل وهو يسير في الطريق جاتوا سخانة حب يديرها تخيلوا واش دار ولا مارشاريار.
قالك واحد مدمن على النت وديما يقرا في المواضيع للامانة منقول واحد اليوم كان يجوز في الامتحان مسكين معرف والوا جبد الكراس ونقل كلش في الاخير كتب للامانة منقول.
merciiiiiiiiiiiiiiiii
merciii
هههههههههههههههههههههههههههههه ههه هاذي شااابة
يعطيك الصحة
هههههههههههههههه
يعطيك الصحة ختي