سلام لبنات عندي عامين مدخلتش للمنتدى لضروف شخصية لكن اليوم رجعت وقلت منجيش بيديا فارغين على هذيك حبيت نفيد كامل العرائس والي راهم يوجدوا بخبرتي المتواضعة عامين زواج في الجهاز و حوايج الدار وشوية تعاملات على هذيك راني هنا باش نجاوب على كامل تساؤلاتكم وان شاء الله نفيدكم رنا كامل خواتات 
:bravo 01:
اول حاج مرحبا بيك من جديد معنا 2 انا بقالي شهرين على عرس ممكن تخبرين على كل وخاصة العائلة وشكرا
وعليكم السلام اهلا بيك اختي عودة ميمونة ربي يهنيك ان شاء الله
اكيد راح نسألوك بزاف تاني هههه
وقتاه بديتي تطيبي وتقومي بالواجبات المنزلية ؟
|
راكي قبلي 
اين انت اريد جواب بليـــــــــــــــــــــــــــ ــــــــــــــــــــــــز
مرحبا بيك من جديد معنا عندي تساءلات بزاف انشاء الله مي ماشي درك ههههههههه راح نصدعلك راسك يا اختي الكريمة
وعليكم السلام اختي مرحبا بيك من جديد …….عندي بزاف حوايج نسقسيك عليهم بصح مبغيتش نبداك من ذرك هذا الرد للترحيب وممبعد ساهل
نجاوبك خبرة اتنة عشر. حبيبتي احنا في الشرق لازم تعلمي كلش. الكسرة.الرفيس.الغرايف.طيبي.لاز ملك تكوني فحلة.تنوضي الصباح بكري طيبي الفطور. وتعنديش مع سلفتك .اوحماتك..تولهي للغبرة تمسحيها.تسيقي مليح.علابلك واش درتلي حماتي.حطت الزجاج في الكوانات علاش.باش تعرف ادا وصلت وسيقت مليح..الضحكة ماتفرقكش..رحبي بالضيف وحطيلو السنية تاع القهوة ورحبي مليح بيه. غسلي قشك وقشهم مليح.واعرفي كيفاش تنشري.دائما كوني منالقة ونطيفة وريحة الريحة. مرات لما تخرجي اشري لحماتك قندورة.اوسلفتك.كسي سلفك ادا كان صغير. اشري كتبات باش تنوعي في طيابك.ادا روحت لداركم ادي حماتك معاك.او.ادا خرجتي.شاوري حماتك ادا خرجتي. يقولو ناس بكري المشورة تغطي الهبال. كوني دائما انتي الاولي ومتقامريش وتقولي انا خدمت وحماتي او سلفتي مخدمتش. الخدمة ماتقتلش.. ماتشرطيش في الماكلة لتلقايه كوليه.ادا عشت في دار باباك زي ودار زوجك زي اخر.اداجاك ضيف اسهري معاه ماتهربيش بكري.متوصليش لزوجك الاخبار تاع الدار.او الجيران متعطيش سرك للجيران متكبريش ادا عرضوك روحي ومتحكيش اسرارك اوسرار حماتك كلمة لاباس دائما علي لسانك. احفضي الميم تحفضك.ادا ديتي جهازك متخبهش خرجيه لصالونة تاع حماتك. زور.درا.غلافات .رثدوات. سرابس القهوة ديري القاطو ميخطكش من الدار.شوفي واش يحب زوجك.حماتك.عجوزك سفتك. ساعة علي ساعة صدقي على المحتاج قش,ماكلة
عزيزتي الشيء لدكرتو كامل وصتني امي والحمد لله طبقتو وعيشة في دار زوجي بدون مشاكل .رغم هناك مشيكلات لكن عرفت كيفاش نسير حماتي ماتت ربي يرحمها وراضية عليا والله والله لو عملتيها بالعكس يجي النهار وتندمي ويصرالك مع عروستك.لاننا كامل نقعدو نفس المقعد.ديري ولادك وتزوجيهم..ومبروك عليك العرس وربي يهنيك وكاش استفسار نجاوب وسمحولي حبيت .نشارك علاش.الوقت لوصلنا ليه.عروسة ماتصلح مع حماتها.وعلاش صح ادا كان عندك دار خير وخير يقولو تبقاي عزيزة ومحمولة.اي متشاوفوش. مي .واله العائلة مكانش خير منها وادا عندك دار وحدك.ساعة علي ساعة اعرضيها تقعد عندك.روحي خدميها.ابعتيلها.افجعيها ماكلة.لبسة.ساك.صباط روحي جوزي العيد معاها
عزيزتي نسيت وقتاش تبداي الطيبي احنا.الجيجلية لما تدخل عروس سبع ايام وهيا قاعدة تلبس برك ونهار التامن تبدا الطيب.الفطور.الغدا.لعشا.عادي كيما موالفة في دار باباك.صح راكي تحشمي مع الوقت تروح الحشمة