جرح القيصرية يؤلمني 2024.

السلام عليكم اخواتي
ولدت منذ شهر قيصري ولم احس ابدا بالجرح حتى البارح حسيت سطر فالجرح و لا احمر والسطر في ظهري حتى مانقدرش نوقف افيدوني ما هو المشكل ؟بيتادين مليح نغسل بيه الجرح ولا لا؟شكراااا

السلآم عليكم

احمرار جرح العملية القيصرية ممكن يكون ناتح عن التهابات او حتى الشعر بالحكة القوية في المنطقة وبعض الآلآم
يجب التاكد اولا من الحرص على تنظيف الجرح
احيانا للاسف حتى نوعية الخيوط اللي يخيطوا بيها ما تكونش مليحة تسبب التهاب في الجلد ما بين طرفي الجرح
على العموم تقدري تستعملي بيتادين للتعقيم
مع الانتباه، لازم ليكومبراس يكونوا معقمين وحافظي على جفاف المنطقة
ممكن تغطي الجرح بقطعة من الشاش حتى ما يسببلكش الحكة
واذا زاد الامر عليك لازم الخضوع لفحص من طرف الطبيبة اللي قامتلك بالعملية القيصرية
وان شاء الله ما يكون غير الخير