صباح الخير وشراكم ؟
جبت اليوم موضوع جديد قلت علاه ديما صور صور صور خلينا نستفادوا ببعض المعلومات والخِبرات والأكيد أنها حصرية 
مشكلة النسا عموما هي غسل الأواني ( مانعرف علاه 
) المهم مش موضوعنا غسل المواعين 
بعد غسل المواعين وش كاين ؟؟
أكيد الحوض لي غسلتي فيه رايح يكون كارثة ولازملو تنظيف وعناية من جهة ليبقى نظيف وجديد ومن جهة لتقضي على الجراثيم والبكتيريا 
كل سيدة لها طريقتها الخاصة وطقوسها ( مليحة كلمة طقوس ) في تنظيف الحوض أو البالوعة
طريقتي تعتمد على :
– الصابون – الجافيل – الأجاكس أو السينيال – والماء المغلي طبعاً
نجيب طاسة مخصصة لهاذ الشيء ندير المكونات ونبدا نحكّ حتى يرجع نظيف تماماً 
ثمّ نخليه ينشف ونجيب قطعة قماش اشتريتها من عند لي يبيع أدوات التنظيف ( تشبه لجفافة الأرض مي هي أضغر حجما ) ندير فيها شوي خل أبيض ونمسح الحوض والجوانب تحافظ على البياض والبريق وتمنع تكوّن طبقات الكِلس ( طبعاً الحوض تاعي مش الألمنيوم )
ومرات ندير الملح في القاع ونحك بالسينيال أيضاً النتيجة بياض وفعالية
وديما عندي مثل هذا السدّادات نشريهم من عند الكونكاري ( نشري بالجملة 
) ونديرهم على البالوعة با نحافظ عليها حتى تنظيفها سهل تنقعيها في شوي ماء سخون وملح ولا جافيل وترجع جديدة وتغيريها كلّ ماتحسيها غير صالحة
هاذي صورة السدادة انا نسميتها لاني مانعرفش اسمها 
هذا شكلها :
شوفو هنا كيفاش جديدة من الاستعمال والتنظيف اليومي :
هنا بعد ماوضعتها عليها :
الموضوع خلاص بصحْ حصراتي مازالو
نلتقي في مواضيع جديدة إن شاء الله
مشكورة على الموضوع الجميل والنصائح و التدابير القيمة اللي
راح نستفادو منها الكل
يضم الموضوع للفهرس
في انتظار جديدك حبيبتي
موفقة
مواضيعك كلها على البيت و النظافة و الديكور
يبينو شطارتك يا الفحلة
حتى انا نستعمل جافيل و الخل
ننتظر جديدك اختي
هذا مانحبو حنا النساء هههه
ديما منورة مواضيعي ربي ينورك دنيا و آخرة ان شاء الله