اول شيء نشكر اختي نسمة على كل ماراهي تقدمو من خدمة للاخوات في صنع الحلويات
وهدي الحلوى مدتلي المقادير ديالها وراني جربتها طلعت هايلة في شكل و مذاق جربوها ماتندموش
حلوى الاكلير او شو
المقادير:
-25 سل ماء مايعادل1/4 لتر ماء بالضبط
-80 غ زبدة
– 50 غ سكر عادي
-150 غ فرينة
-من 3الى 4 حبات بيض
-قرصة ملح
طريقة التحضير:
-اول شي ناخذ كسرونة ندير فيها زبدة + سكر+قرصة ملح+ماءو نضعها فوق نار متوسطة ونحرك بواسطة ملعقة خشبية حتى تذوب الزبدة و تنسجم كل المكونات مع بعضها و نلاحظ ان الخليط بدا في الغليان
-و نشوف بالاصبع للتاكد من قوامها
لتحضير الكلاصاج :
-ناخذ كيلة سكر رطب ندير فيها 2 ملاعق كبار كاكاو اسود و نضيف الحليب بالشوية حتى نتحصل على كلاصاج و نطليها
:wink::wink:اسمحولي درت شوية فوضة مع طلية ههههههههههههه:music_whistling:
ان شاء الله تنال اعجابكم:heh:
|
شكرا اختي على المرور انا استعملت 4 حبات بيض بصح انتي ديري عينك ميزانك
|
شكرا اختي نسمة انا صور راهي تظهر عندي عادي في الموضوع في الحقيقة ماعرفتش نحملها هنا في المنتدى مباشرة من جهاز كومبيوتر حطيت الموضوع في منتدى اخر راني مشاركة فيه و من بعد درت كوبيي كولي و حطيتها هنا
اوك دوك نعاود نمدلك الصور ان شاء الله يخرجو
مباشرة بعدما نخرجو الحلوى من الفرن لازم نثقبوها بواسطة عود خشبي هكدا باش يدخلها الهوا او ماتتعرقش من داخل هذه ملاحظة مهمة