هاهي المقادير الي نحتاجوها
قشطةعاديه+كريم كراميل الي فيه كاراميل من الداخل+شعيرية باكستانيه+دابل كريم او دريم ويب
هاهي الصورة نتاع الشعيريه الباكستانيه الي في الغربه اكيييد يلقاوها
نطيبو الفلان عادي
نقطعو الشعيريه فتات فتات صغار ونحطو شويه زبدة في المقله علي نار هادية ونقلبوها كما هاك غي شويه ملاحظة الشعيرية ما نديروش بزااااف غي شوية لوكان نكترو طعمها مايوليش بنين
وحطوها في المول نتاعنا الي غادي ندخلوه في الفريجيدار لازم المول ما يكونش كبير بزاااف باش الطبقات يبانو وما يجيش رقيق
نفرغو الفلون نتاعنا فوق الشعيرية كما ها غادي من بعد الشعيرية تنزل لوحدها لتحت
كما هاك نخلو الفلون نتاعنا يتماسك شوية ماشي جامد باش نقدو نحطو فوقو الكريمة
من جهة اخري نضرب دابل كريم مع ملعقة سكر قلاصي حتي تطلع كما هاك او دريم ويب
ونحطو فوقها القشطة ونضبو شوية قد ما تتداخل مع بعضها
ونحطوها فوق الفلان نتاعنا الي يكون قابط روحه كما هاك وندخلوها في التلاجة نخلوه يبرد مليح
ومن تبغي تسربيه تطعيه وتحطي فوقه الكراميل لازم الكراميل تحطيها من تبغي تاكليه علي خاطر لو كان يبطا الكراميل تدخل للداخل وشكلها مايوليش شباب
هاهو عن قرب
والله العظيم يلا دوقه رووووعة انا من يجي عندي الضياف نديره قبل في الليل ونخليه يبرد والغدوة نسربيه ان شاء الله تجربوه ويعجبكم
سلام عليكم
رووووووووووووووووعة
يعطيك الصحة
4 4 4
يعطيك الصحة ختي
والله تحمر الوجه