تقريبا وصفات les tartes au chocolat كامل فيهم كرام فراش والي غالبا ماتكونش متواجدة دايما فالمنزل …
مالا جبتلكم وصفة مقاديرها متواجدة فكل منزل وسهلة والاهم من ذلك ذوقها امممم
راني كثرت شوية هدرة ههه لكن نحب نشرح كلشي لانو كاين الي مايعرفش
العجينة
250غ مارغارين
150غ سكر قلاصي
1 خمارة
فاني
حبة بيض كاملة+صفار بيضة
مغرفة كبيرة مايزينة
450غ فرينة
طريقة
نخدمو المارغارين +سكر مليح حتى تولي كريمة ثم نضيف الفرينة+مايزينة+خمارة ونبسس الخليط بالايدي حتى يولي مرمل هكدا
ثم نلموها فقط بالبيض لانو هاد لعجينة مالزمش تتعجن وراح نتحصلو على عجينة طرية هايلة
بهاد المقادير راح جيكم كمية عجينة لاباس بيها نصف تخدمو بيها التارت وتفظل ممكن بيها تعملي دي galette -كروكي -صابلي
على سطح مرشوش بالفرينة نحلوها بالحلال ونحطوها على المول ونثقبوها بالفرشيطة ونحطوها فالثلاجة مدة ساعة
نطيبوها نص طياب انا طيبتها حوالي 20 دقيقة وكل وحدة والفور تاعها المهم راقبيها متحمارش
على درجة حرارة 170د (نشعلها شوية من الفوق )
[IMG]
[/IMG]
لما نحطوها تطيب نوجدو لافارص تع الشكولاطة
المقادير
200غ شكولا انا استعملت 1طابلات شكولا نوار والاخرى شكولا بالحليب
4 مغارف كبار مارغارين او زبدة
كاس حليب
مغرفة كبيرة كاكاو
3 حبات كبار بيض
الطريقة
بالباتور نطلع البيض +مغرفة سكر
في كسرونة على النار نضع الشكولا+الحليب+المارغارين+كاكا و ونحرك حتى تذوب …نحيها من النار ونخليها تبرد غير شوي قيس 5 دقائق
ثم نفرغها على البيض مع الخفق المستمر
نخرج تارت من الفور ونفرغ عليها هاد الخليط السائل ونعاود ندخلها تزيد حوالي نصف ساعة يعني حتى تحكم روحها وتارت تحمار
[IMG]
[/IMG]
الميرانغ
نحتاجو 4 بياض بيض+قرصة ملح نطلعوهم ملييح بالباتور
وسيرو (شاربات) فيها 140غ سكر +فنجال ماء(قيس مايتغطى السكر فقط )+مغرفة كبيرة عصير قارص
نخليه يغلي حوالي 10د ثم نفرغوه وهو سخووون بالشوية على البياض الي طلعناه والباتور يمشي ونخلطو مليح حتى تولي متماسكة وكأنها كريمة اممممم
والصور تبين
وتزينيها بالميرانغ حسب الرغبة
و ممكن تزينيها بكريمة ولا حتى تخليها هكداك راهي بنيينة
ان شاء الله جربوها وتعجبكم
من شكلها تشهي
جاتك روووووووووووووعة
يعطيك الصحة
بصحتك
يعطيك الصحة تشهي جاتك روعة
كما عودتنا يالغالية مميزة كعادتكي
خرجتلك هايلة يعطيك الصحة
ان شاء الله وقت نكونوحدي فالدار نجربها
بارك الله فيكي
روعة يا شهرا
يعطيك الصحة
الف شكر على الوصفة و الطريقة هايلة
و لي قلات جاوك فور بصحتكم