كيراكم حنوناتي نشالله انتيك؟
راني جبتلكم وصفة من حورية المطبخ
والله مجربتها ويخرجو هايللين
لي تارتولات بالدانيت
العجينة:
- 250 غ فرينة
- 1 حبة بيض
- 50 غ سكر ناعم
- 125 غ زبدة
- ملعقة صغيرة فانيلا
- رشة ملح……………..مايش بزاف تعودي تملحيها
- رشة بيكينج بودر………….البيكاربونات باش متطلعش
التارت:
- 100 غ كريمة طازجة………………ولا لاكرام شانتي تجي هايلة بيها(اشريها خير من تخدميها)
- 2 علبة دانيت بنكهة الفانيلا………انا درتها بالكراميل
- فواكة طازجة للتزيين…………..مايش كونجلي عادي
- كمية من الشوكولا الذائبة لدهن التارت
- مربى المشمش لدهن الفواكة
- صواني تارت صغيرة………….على حسب الحجم للي حبيتيه
- اكواب ورقية وحمص يابس……….ضرك نفهمكم لواش
طريقة التحضير
- تنخل المواد الجافة (الطحين-البيكينج بودر) وتترك جانبا
- في وعاء للخلط نضع الزبدة ونضيف السكر الناعم و نفرك الخليط بالاصابع
- نضيف البيضة مع الفانيلا و الملح ونخلط جيدا
- على طاولة العمل نضع المواط الجافة ونصنع حفرة بالوسط
- ونصب بها الخليط السائل ونجمع العجينة بالاصابع بدون عجن……..متعجنيش باش متيبسش على خاطر راهي بات بريزي
- تحلي العجينة بيدك تهز بالشوي وتحليها في الباركات (صواني التارت)
- وتحطي فوقها ليكيسات وديري فيهم حمص او لوبياء او اي شيء باش متتنفخش ولازم تثقبيها
- تدخل الفرن المسخن مسبقا على 350 درجة فهرنهايت لمدة 15 الى 20 دقيقة
- تخرجيها وتنحي ليكيسات مع الحمص وترديها حتى تحمار
- تخرج صواني التارت من الفرن وتوضع فوق شبك لتبرد ثم تدهن بطبقة من الشوكولا الذائبة
- وتترك لتجف
- في هذه الاثناء في وعاء للخلط نقوم بوضع علبتين من دانيت بنكهة الفانيلا ونخفق بالخلاط الكهربي
- ثم نضيف الكريمة الطازجة ونخفق مرة اخرى
- نضع الدانيت في حبات التارت ثم نزين بالفواكة الطازجة وندهنها بمربى المشمش لاعطائها اللمعة المطلوبة
المربى تاني ديريه باش متكحالش الفواكه للي حطيتيها……والشيكولا راهي تعطيها بنة زايدة
هادي هي الوصفة
نتمنى تجربوها
نهار كي نعاودها نجيبلكم الصور
يعطيك الصحة حنونة باين رايحين يطلعوا يهبلوا شكل وبنة شكرا مرة اخرى
يعطيك الصحة .وكل وصفات حورية المطبخ ناجحين وانا مجربتها
شكرا لك
شكرا لك
|
الله يسلمك حبيبتي
وشكرا لتنويرك صفحتي
حنونتي ان شاء الله عن قريب نجربها
يعطيك الصحة شكرااااااااااا
|
الله يسلمك حنونتي
ونشالله تعاوديها
شكرا اختي جزاك الله كل خير
bayna mliha merci beaucoup nchallah njarrebha
شكرااااااااااااااااااااا حنونة باينين بنان يعطيك الصحة مزيد من الوصفات