تارت بالتفاح من مطبخي 2024.

المقادير:
العجينة الحلوة
125غ زبدة
125غ سكر
250غ فرينة
فاني
2 بيض
50غ لوز او كوكاو مرحي
ربع ملعقة صغيرة خمارة
الكريم باتسيير
نصف لتر حليب
2 بيض
فاني
70غ نشاء
150غ سكر
للتزين :2 حبات تفاح و جولي
50غ سكر
25غ زبدة
التحضير: نضع الزبدة + السكر ونخدمهم مع بعض+ البيض بالواحدة ونخلط +فاني + اللوز والفرينة والخمارةحتى تتجمع العجينة نخليها ترتاح 30د.
الكريم باتسيير:نضع الحليب+ السكر + النشاء+ الفاني + البيض ونخلط مع بعض ونحطهم على نار هادئة مع التحريك المستمر حتى تعقد نخليها تبرد وهاهي صورة الكريمة


ثم نحضر التفاح ناخذ حبة تفاح كبيرة نقشرها ونحكها بالقارص ونسكرفجها بالسكرفاج الخشين.


ثم ناخذ 50غ سكر و25غ زبدة نحطهم على النار حتى يذوب السكر


ونحط فوقه التفاح المسكرفج
ونخليه على النار حتى يصبح نوعا ما كالكرمال



مبعد يبرد شوية وخلطيه مع الكريم باتسيير

هذه صورة بعد ما خلطتوا مع الكريم


نحل العجينة ونديرها في مول التارت ونثقبها او تحبي ديري مول تارتولات صغار


ثم نحط الكريمة المحضرة فوق العجينة

ناخذ حبة التفاح الثانية نحكها بالقارص ونقطعها ابراج رقاق ونستفها فوق التارت على شكل وردة

ثم نرش فوق التفاح سكر حرش وندخلها تطيب هذه التارت تجي كلش بارد في بارد

لما تطيب هذا شكلها ثم خليها تبرد تماما


ثم ادهنيها بالجولي




اتمنى تعجبكم تحياتي للجميع

التصاور يجيب ربي ما كاين والو
ياسمين كليتها ونسيتي تصوريها
على العموم الوصفة شابة
رانا نستناو تعديل الصور

انا بالعكس لحقت على الصور والله شابة ويعطيك الف صحة
ياسمين

يعطيك الصحة
شكراااااااااااااااا

بارك الله فيك اختي ياسمين دائما تتحفينا بوصفاتك الرائعة ربي يحفضك

الله يسلمك الف شكر على المرور الجميل
تحياتي

و فيك بركة اختي حكيك مرورك الرائع