تارت الموز بالكراميل والكريم شانتيه بالصور 2024.

المقادير:

• 2 باكو بسكويت عادي ونفرمه

• 1 كوب سكر.

• 1 كوب كريمة.

• كريم شانتيه.

• موز.

• 1 كوب زبدة (سايحة).

الطريقة:

• أول حاجة هعملها هي "صوص الكراميل" وده هعمله بإني هجيب طاسة وأحطها على النار وأحط فيها السكر وأول ما لون السكر يتغير ويعمل صوص "لونه بني" أطفي عليه وبعد كده أحط عليه "الكريمة".

• بعد كده هجيب البسكويت الناعم المفروم وأقلبه مع شوية زبدة لحد ما يتجانس ويعمل عجينة.

• بعد كده هجيب صينية وهضع عليها ورق ألومنيوم بحيث إنه ياخد شكل الصينية.

• هبدأ أفرد البسكويت بالزبدة على الصينية وأدخله الفريزر لمدة 45 دقيقة علشان يجمد.

• بعد مرور 45 دقيقة أخرج البسكويت من الفريزر وأشيله بالراحة من على الورق وأحطه في طبق مدور…بس قبل ما أحطه على الطبق المدور أجيب شوية كريم شانتيه وأفردهم في طبق التقديم وأحط عليهم البسكويت المجمد….وبعد كده أقطع الموز على البسكويت المجمد.

• بعد ما أخلص تقطيع الموز أبدأ أفرد عليه باقي الكريم شانتيه وأغطي كل الحروف بالكامل.

• وبعد كده وآخر حاجة أضع صوص الكريم كراميل بشكل عشوائي

ده الشكل النهائي لطبق تارت الموز بالكراميل والكريم شانتيه..وبالهنا والشفا