السلام عليكم ورحمة الله تعالى و بركاته
اخواتي اللماويات راني اليوم جبتلكم وصفة جديدة ان شاء الله تنال اعجابكم
راي عبارة على تارتليت بكريمة جديدة و لذيذة جدا تصلح لجميع المناسبات
مثلا تتقدم في خطبة مع العصير او في ضيافة او حتى في السهرة مع الشاي
المقادير للعجينة:
250 غ زبدة لينة
125غ سكر ارطب
1 بيضة
فانيليا
فرينة
مقاديرالكريمة:
1/2لتر حليب
4مغارف سكر عادي
كيس كريم باتيسيير جاهز
2 معالق كبار نشاء الذرى
كمية من غبرة الكريم شانتيي
التحضير
1_ العجينة:
نخلط الزبدة والسكر حتى نتحصل على خليط املسثم نضيف البيضة
نخلط مليح حتى تختفي البيضة
ثم نضيف الفرينة
ونلم العجينة لازم تكون طرية نوعا ما
نحطها ترتاح لمدة نصف ساعة في الثلاجة ومن بعد نحلها فوق وسط مرشوش بالفرينة بسمك 1/2سم
ثم لتسهيل العملية نقطعها لمربعات
و نبدى نفرش في لي مول انتاعنا
نحطهم في صينية الفرن ونثقبهم بالشوكة
ثم ندخلهم للفرن لازم كي يطيبو يكون لونهم ذهبي
2_ طريقة عمل الكريمة
نخلط كلش مع بعض
ثم نحطها فوق النار ونستمر في التحريك حتى تخثار من بعد نحطها في صحن و نضيف ليها قطعة زبدة
ونحرك مليح حتى تمتزج الكل ونخليها تبرد
من جهة اخرى نخفق الكريم شانتيي
ونضيفها للكريمة الاولى ولازم تكون بردت تماما
وهذا شكل الكريمة انتاعنا النهائي
ثم نضع الكريمة في جيب الحلواني او لا بوش ادوي و نعمر التارتولات
نتمنى انهم يعجبوكم
بصحتكم
سلامي ل انس و الاء .
يعطيك الصحة حبيبة نجربها ونردلك لخبر
ينقل الى وصفات الحلويات الحصرية و المجربة
يشهي روووعة شكرا خالتي
|
الحبيبة وسلامك وصل يا عسل
وانت بوسيلي اسحاق واسراء