اليوم جبتلكم هذي التارتة و نشاءالله تعجبكم هذي التارتة درتها في عيد ميلاد راجلي اللي فات و جات رووووووووووووووعة تفكرتها و حبيت نشارككم بيها
شكرا رهوفة انت اللي فكرتيني جربيها و مارايحاش تندمي
المراحل و الله ما صورت الشكل النهائي برك راني حطيتو وحاولت نشرح بالتفصيل الممل
المقدير
هنا نحتاجو 10 بيضات في بلاطو كبير و نطيبوها على 2 خطات في كل مرة نخدمو ب 5 بيضات نبداو
5 بيضات كبار
5مغارف ك فرينة
5مغار ف ك سكر عادي
3مغارف ك نشا
1 مغرفة ك كاكاو
قرصة ملح
التحضير
نطلعو البياض وحدو مع قرصة ملح
و نخدمو كلش في الصفار نبداو بالسكر و نخلطو بالباتور و نزيدولو 5 مغارف ك ماء بارد و نخلطو هنا رايح يطلعلنا كيما البياض نحبسو الخدمة بالباتور و نكملو بمغرفة نتاع حطب نضيفو 5 مغارف فرينة و 3 مغارف نشا و1 مغرفة كاكاو و نخلطو من الاعلى للاسفل بلا ما نكسرو الصفار نتاعنا ثم نبداو نضيفو في البياض بشويا و نخلطو حتى نكملو كامل الكمية و نفرشو البلاطو نتاعنا و ندهنوه و نحطو الكيكة نتاعنا تطيب
نعاودو نفس الشي باه نتحصلو على 2 كيكات
الكريمة
باط نوتيلا نذوبوها مليح و نضيفولها نص كاس كريم فريش سائلة و اللي ما عندوش يعوض بالحليب
200غ كريم شانتيي نطلعوها مليح بالحليب و نزيدولها مغرفة كاكاو و نضيفولها النوتيلا و تكون باردة و نضيفولها 200غ جوز مرحي خشين هذي هي الكريمة انتاعنا يممممممممميييي
الشاربات
كاس ما +مغرفة نسكافي+3 مغارف ككر و نخلطو حتى يذوب السكر بلا ما نحطو على النار
نسقيو الكيكات نتاعنا بالشاربات ونحطو الكيكة الاولى و نحطو عليها الكريمة و نكثرو و نحطو فوقها الكيكة الثانية و نغلفو بالكريمة المتبقية انا زدت قلاصيتها بالشيكولة منطولش عليكم علابالي بلي راني كثرت الهدرة بزاف يبقى التزين كل وحدة و الذوق نتاعها
ما شاء الله خرجتلك تهبل راهم ريوقي سالو عليها يعطيك الصحة يا الفحلة 
يعطيك الصحة خدام وتزيدي تتفنني ومن يديك بنينة كتر وكترر
يعطيك الف صحة