المكونات
هذه المقادير تتناسب مع ابعاد البلاطو
اللي هي 35 على 30
5 بيضات
زاست ليمون
2 م ك ماء فاتر
150 فرينة مغربلة مع كيس خميرة حلوى
125 سكر / نقصت السكر لانو راح يتحشى ويتغطى بالكريمة
رشة ملح
اول خطوة
نفصل الصفار عن البياض
نخفق البياض مع رشة ملح ونصف كمية السكر
نخفق الصفار مع زاست الليمون وكمية السكر المتبقية
ونواصل الخفق مع اضافة 2 م ك ماء دافي
حتى نتحصل على كريمة ثقيلة
يعني نتحصل على بياض بيض مخفوق وصفار وفرينة وخميرة مغربلة
نضيف بالتناوب ثلث الفرينة وثلث الميرانق الى خليط الصفار
ونحرك بلطف من الاسفل الى الاعلى
نواصل اضافة الثلث الثاني للفرينة والبياض
ثم الثلث الثالث
وهذا الشكل النهائي
نفرغوه في البلاطو المغلف بورق الشمع
ونسويه مليح من الاعلى
ندخلو الى فرن مسخن مسبقا على 200 درجة
وبعد 5 دقائق نقص درجة الحرارة الى 180
مانخليهش يطول في الفرن كي يحمار ياسر يتكسر
ومانخليهش ني
نراقبو مليح
فور خروجه من الفرن وهو سخون نقلبو على ورقة شمع
وننزع الورقة لي طاب فوقها
ونلفو وهو سخون
وتكون اللفات مضغوطة مليح باش يحافظ على الشكل
ونزيد نلفو بمنديل مبلول ومعصور مليح
ونحطو في الثلاجة يبرد نصف ساعة على الاقل
وهذا شكلو بعد ما برد
نعاود نحلو بالشوية برك ..راهو حساس هههههههه
ونسقيه ونحشيه حسب الرغبة والذوق
انا جربت سقيتو بالسيرو وكرام شونتيي
بصح لي عجبني كثر هو المعجون
نخفف المعجون بالما باش مايجيش مركز
ومن جهة اخرى يسقيه وما يجيش ناشف
ونعاود نلفو كيما كان
ونزينو
ونقطع الاطراف
شوفو كيفاه مثقوب وخفيف مممممممممم
يا جمالو يا جمالو
ويستحسن نرجعو للثلاجة نصف ساعة قبل التقطيع
وهذو اشكال اخرى درتهم من قبل
في الاخير ان شاء الله لي كان عندهم مشكل فيه ينجحلهم
ولي كان ينجحلهم من بكري يجيهم خير
ولي دخلوا يقرعجوا بصحتكم
في امان الله 
.
يعطيك الصحة
بلاك يشفق عليا ويجي مليح هههه
بارك الله فيك
رولي تاع حراير يعطيك الصحة
بوركتي
و الله احسن من لي نشريه من برا
شهيتيني ام ندى اممممم
مشكورة اختي على الوصفة و الخطوات
بارك الله فيك و جزاك خيرا
درك اعطينا وصفة ناجحة للبتي فوغ
ان شاء لله نجربوه ونردولك الخير