بيزا خفيفة من مطبخي 2024.

العجينة ندير فيها فرينة 4 كيسان ومغرف خميرة الخبز ومغرف سكر كبيرة والملح والزيت 4 مغارف انا ندير عيني ميزاني وشوية لحظة ونلمها بالماء ونخليها تخمر والسر لازم ديريها تخمر بزاف باش جي خفيفة انادرتها على 1 تاع النهار وطيبتها في الليل
والصوص تومات رابيت البصل وخليتي يتقلى وزدت رابيت طماطم مع طماطم المصبرة والرند والزعيترة وراس الحانوت والملح وخليتها على نار قليلة كي تبرد لاصوص نجبد العجينة ومنكسرها نحي غير قد خبزة وحدة ونعاود نغطي العجينة نحللها بالحلال ونتقب العجينة وندير الصوص ونزيد الزيتون ونزيد الفيونداشي انا هنا الفيونداشي قليتو غير في شوية زيت مع ملح وفلفل كحل
ونرابيو الفرماج فوقا والفلفلة ودخليها للفرن انا البارح طيبتها في الطاجن تاع الحديد على الطابونة والله ليه ليه طيب وجي خفيفة تهبل وكي طيب نديرلها مايوناز وشهية