مرحبــآ أخــوآتــي ،
جبت ليكم شكيل جديد للبيتزا باش تزيني مائدتك
* المقادير *
للعجين
4 كيسان كبار دقيق
4 ملاعق كبار نيدو
4 ملاعق كبار زيت زيتون
شوية الملح
خمارة حمرا
ملعقة كبيرة خميرة معجونة محلولة مع ملعقة صغيرة سكر
فشوية الماء دافي
حليب دافي لخلط العجين
تخلط جميع المقادير حتى نحصل على عجين متجانس ، نتركه في مكان دافيء
حتى يخمر
– 120 غ زبدة للتوراق –
للحشوة
نشلضوا بصلة كبيرة فالمقلة مع شوية الزيت البلدية ، نخليوها تتقلى شوية
نضيفوا ليها 150 غ كفتة مفرتتة ، نخليوها تتشحر ، مللي تطيب نضيفوا ليها
حك دانون مسوس نبقاو نحركوا حتى تنشف مزيان ، نزيدوا عليها مطيشة كبيرة
مقطعة محيدة ليها الزريعة ما نخليوهاش تطيب بزاف ، نرشوا شوية الملحة
شوية التوابل الاربعة ، نضيفوا الزيتون المقطع والمعدنوس ونحيدوها من فوق النار
ونخليوها تبرد على ماوجدنا العجينة
مللي تخمر العجينة كنقسموها كويرات صغار
كناخذوا كويرة كنطلقوها بالمدلك وكنوضعوا عليها الزبدة طريفات
وكنسرحوا كويرة اخرى وكنحطوها فوق منها وكنكملوا بحال هاكة حتى كنكملوا 6 طبقات
والاخيرة ما كنديروش فوقها الزبدة
مدة نصف ساعة
وشوية الكفتة وشوية الفروماج الاحمر محكوك ونزينوها بزيتونة سوداء
بارك الله فيك
شكراااااااااااا