خفيفة ومقاديرها ناجحة 100/100
المقادير
5بيضات
كاس سكر
كاس حليب
كاس زيت
2كيسان ناقص ملعقة دقيق
نصف كاس فرينة
ملعقة صغيرة برش ليمون…اختياري حتى ماتكونش فيها ريحة البيض
2خميرة الحلوى+قرصة ملح
3ملاعق كبار ماء زهر
السيرو اللي سقيت بيه عبارة على كاس سكر دوبتو شوية وزدتلو كاس ونصف ماء وخليتو على النار حتى ثقال شوية وكي طفيت النار زدت فوقو 4ملاعق كبار ماء زهر وخليتو على جنب حتى برد تماما انا بصراحة مانحبش البسبوسة المعسلة بزاف وممكن تزيدو الحلاوة على حسب الرغبة
التحضير
في صحن غامق خلطي البيض والسكر والزيت والحليب وماء الزهر والزاست نتاع الليمون
ضربي الكل بالباتور ولا الميكسور حتى يتضاعف الحجم تقريبا 3د
زيدي الدقيق والفرينة والملح والخميرة وخلطي الكل مليح بملعقة حتى يتجانس الخليط
صبي الخليط في مول مدور مدهون بالزبدة
خلي الخليط يرتاح 5دقايق في هذا الوقت تكوني سخنتي الفور مليح دخليها بعد ماترتاح حتى تحمار كيما الصورة
كي تخرجيها مباشرة اسقيها بالسيرو البارد وهي سخونة وزينيها باي نوع من المكسرات ولا نواد كوكو ولا خليها كيما انا
خليها تبرد وترتاح من ساعة فما اكثر ثم قطعيها مقروضات وقدميها ولاديريها الصباح وقطعيها مع العشية
جربوها وقولولي رايكم راهي خفيفة وماتتشبعش
راني نستنى تطبيقاتكم وتقييمكم
جاتك هايلة
يعطيك الصحة والعافية ياشطورة
سلامي لكلاتحرمينا من اطباقك الحلوى اني انتظرك بشوق ان شاء الله
|
الله يسلمك اختي العزيزة الف شكر على المرور
|
شكرا اختي على المرور نتمنى تجربيها راني بانتظار تطبيقك
|
راني نستنى تطبيقك اختي وشكرا على الاطراء وعلى الكلمات الجميلة حشمتيني بردودك اللي نورت كل صفحاتي
الف تحية ليك اختي
|
الله يسلمك اختي شكرا على الصورة
تقريبا نفس طريقتي بصح انا مانحطش الفرينة نحط السميد برك