بسبوسة كالاسفنج 2024.

مقادير هده البسبوسة التي اعتدنا عليها
علما انو الكاس المستعمل يهز ربع لتر حليب
*5 بيضات كبار
*كاس زيت
*كاس سكر
*كاس حليب
*باكي خميرة تاع 10غرامات(نوارة)

*4 كؤوس سميد عادي
*فانيلا او عصير ليمون او zeste
*العسيلة
الطريقة
كانك راح تحضري تارت افصلي صفار البيض على البياض و اخفقي البياض كالثلج مع نصف او اقل من كمية السكر و اتركيه جانبا
-اخفقي الصفار و باقي السكر جيدا
-اضيفيلهم الحليب و الزيت و الخميرة و السميد و خلطي مليح راح تجيك الخلطة جامدة شوية
-بملعقة فقط اضيفي بياض الثلج برفق للخليط على 3 خطوات راح تتحصلي على خليط اسفنجي…صبيه في مول مدهون بالزيت و حطيه في الفرن..
-في هدا الوقت حضري العسيلة… و كي تخرج من الفرن اسقيها و قطعيها معينات او حتى مثلثات يجو باهيين………و صح ليكم

طريقة جميلة شكرا لك

4 كؤوس دقيق مش بزاف؟

يا اختي lalakarimanouri قارني 4 كؤوس سميد قدام 2كيسان تاع مواد سائلة الحليب و الزيت +5 بيضات تلقيهم مناسبين و زيدي هدي البسبوسة ما تجيش سائلة جربيها تتحصلي على نفس القوامconsistance تاع الجينواز….انا مجربتها….غير الا السميد يشرب بزاف الماء ديري 3 كيسان برك بصح انا مجربة ….4

بارك الله فيك

بارك الله فيكي غلى الوصفة نفس الي نعمل لكن الكاس ما يهزش 250مملل
وتان ندير 3 كيسان دقيق+1نواد كوكو يعطيلها بنة خلاف