كيما عليالكم دينا العطلة 
:ya hoo01: و جاء وقت الكوزينا
:br avo01:
و البارح لقيت وصفة عجبتني جربتها و جات هايلة و بنينة تقتل ههههه كلاوها كاملة مع القهوة تع العشية
هي بسبوسة بالكاكاو و الكبريس مممممممممممممممم و لا اروع
عذرا ما حطيت صور تعي لاني ما صورت تلفوني عند ريبارتور هههههه طاحلي في ماء كي سيقت الصباح هههههههههههههههههههههههه 
هايليكم المقادير و جربوها والله هايلة
المقادير
3بيضات+كاس الا ربع زيت +كاس الا ربع سكر+نصف كاس حليب+3ملاعق كبيرة قهوة ثقيلة +كاس ونصف سميد متوسط يعني لاراهو مسمد ولا راهو خشين كي الدشيشة بمعنى كي تشري السميد استعمليه مباشرة +نصف كاس فرينة وممكن تعوضيه بنواد كوكو ونصيحة اعملوه بالنواد كوك يعطيكم مداق هايل خير من الفرينة+كيس خميرة ونصف+2ملاعق كاكاو
في صحن غامق حطي الزيت والسكر والبيض والقهوة والحليب خلطيهم مليح وزيدي السميد والكاكاو والفرينة والخميرة وقرصة ملح
ثم ادهني السينية بالزبدو او المولات اذا حبيتي و صبي الخليط لازم يكون متوسط الكثافة
عذرا اذا صور مختلطة نت عندي تقيلة و راني نعاني
في الطياب حاولي تسخني الفرن على 180 درجة قبل الطبخ
بعد ما تلاحظي انها طابت من الحواشي طلعيها لفوق و عسيها
من بعد شربيها بسيرو بارد الي هو
1/2 كاس حليب +20 حبة كابريس و 3 ملاعق كبيرة قهوة طايبة ثقيلة و 2 مغارف كبار عسل
اما انا راني فوق هذي زدتلها شاربات من عندي هههه لانوا هذي شاربات جاتني قليلة ضفتلها: 2 مغارف عسل +شويا ماء و قطرات ماء زهر و حطيت عليهم 6 حبات شكولا حتى ذابوا و برد سيرو تاعي شربت بيه و طبعا نشربوها و هي سخونة
من بعد برشت فوقك شيكولة و رجعتها للفور طافي باه تذوب عليها شيكولا
و خليها على اقل ساعة او اكثر باه تشرب و تحكم روحا
لانها كل ما بردت جات تهبل
[ATTACH][/ATTACH]
بصحتكم نتمنى تعجبكم
عذرا عن صور مبعثلرة والله 2 س وانا عقابهم ههههههه
لا تنسوني بالدعاء
فكرة جديدة يعطيك الصحة
يعطيك الصحة اختي وصفة تهبل ♥ حتى انا نموت على البسبوسة و ملي نجي من الجامعه و انا نتشهى في الماكلة ان شا الله نجربها ♥ يسلموو
انا الاسبوع الجاي راح نعاودها
شكرااااااااا على مروركن العطر
