اوملات جلبانة من مطبخي 2024.

السلام عليكم و رحمة الله
هدي مدة طويلة محطيتش مواضيع هنا
شفت لبنات سقسوا على اوملات الجلبانة
طيبتها اليوم و صورت المراحل وقلت نفيد بيها خوتاتي اللي ميعرفوش هدي الوصفة
نبدا على بركة الله
المقادير
كمية من الجلبانة نفوروها
[IMG][/IMG]
حبة بصل كبيرة نقطعوها قطع صغيرة و نقلوها في شويا زيت
[IMG][/IMG]
نخلط الجلبانة الللي فورناها مع البصلة المدبلة و ملح فلفل اسود ثوم انا ستعملت نتاع الغبرة
[IMG][/IMG]
نحط عليهم اربعة بيضات
[IMG][/IMG]
نخلط مليح
[IMG][/IMG]
نسخن مقلات تكون متلسقش نحط فيها شوية نتاع زيت و نكب فيها الخليط نقس عليه النار و نخليه يطيب

[IMG][/IMG]
مين يحمار من تحت نقلبه على الجهة الثانية و نخليه يطب مليح
[IMG][/IMG]
وهنا كي طاب
[IMG][/IMG]
اتمنى ان تنال الوصفة اعجابكم
تقدروا تحطوا معاها فرماج و الا كانت كمية الجلبانة قليلة عندكم تزكوها بالبطاطة مقلية مكعبات
تحياتي للجميع

والله هايلة كوكو شهتيني فيها غدوا بادن الله تشوفي تطبيقي كاين كل عندي
بصحتك ربي اشافيك

مروركم هو الهايل شهرورتي و ابتيسوا غير جربوها راهي ساهلة و بنينة

اممممممممم فريدة شهتينا فيها نجربها إنشاء الله

هايلة فريدة بصحتكم

يعطيك الصحة فريدة خرجتلك روعة

انا موالفة نعملها نقلي صدر تاع الجاج مع البصل ونقلي بطاطا ونخلطهم مع بعض وندير الفرماج تخرج هايلة

امممممممممممممم هايلة فريدة والله تشهي يعطيك الصحة وربي يشفيك ان شاء الله

اعطيك الصحة حنونة انا نموت على الاوملاتات كيما جات وزيد مع الجلبانة خير وخير ان شاء الله نجربها