السلام عليكم اخواتي
حبيباتي طبتن وطاب ممشاكم وتبوؤتن الجنة المقاعدة العليا الفردوس انشاء الله
بصراحة الموضوع فيه جرأة نوعا ما عند البعض والبعض الاخر قد يراه فضفة وفشت خلق
وان بصراحة اراه جراة مني ان اضع موضوع حساس بالنسبة لي خصوصا ان حماتي تكون في نفس الوقت خالتي
سنبدا موضوعنا بفتح باب للفضفة او للنقاش
اولا كيف تعاملني حماتي وكيف اعاملها
اذا رأيت منك شيئا كيف اتعامل معك يا ام زوجي ……
واذا رايت مني شيئا كيف تعاملينني…….
لا اعرف ان كنت تحبينني
ولا اعرف ان كنت احبك ……
تغارين ربما ……
اغار لست ادري …..
معاملت العجوز للكنة تكون احيانا سيئة والعكس صحيح …
هل هناك انتقاما في الموضوع ام أنها مبارات من سيفوز ؟
port01:por t01:port01 :
ابنك هو زوجي قرة عيني 
هل ساكون يوما ما مثلك ….
ام لا …
ام ستضطرينني ان اتمنى ان لا الد ولدا ….
حان الوقت ان نتفتح ونجعل حياتنا عصرية بعض الشيئ
لماذا ليست لدينا القدرة ان نكون مثل الغرب او الشرقيين حتى
لا ادري ان كنت انا وحدي اعيش هذه الدوامة من الاسئلة
ام هناك من مثلي تستغرب مواقف حماتها لها
ان كانت لديكن اي مواقف سواءا سيئة ام جيدة اتمنى ان تشاركينا اياها وكيف تعاملت معها
اعرف ان الموضوع فيه جرأة لكن ماذا
عسانا ان نفعل سواى مواجهة الامر الواقع
سلااااااااامي وتقبلو تحياتي
وللضرك ماكانش بزاف مشاكل مي …….
أنا عجوزتي ناس ملاح الله يعطيها ويرضيها
عجوزتي في عمر جدتي
منقدرش نهدر فيها لأنها ماقاستنيش وان شاء الله انا منقيسهاش
شكرا اختي قوقا على الموضوع ان شاء الله يلقى تفاعل
موضوع جريء و مهم
عن عجوزتي تعجبني شخصيتها و نتمنى بنتي تطلع ليها
مازال ماعشرتهاش بصح ناس ملاح
و إن شاء الله تبقى بعد الزواج و لا تتغير
انا عجوزتي الحمد لله ناس ملاح عمرها الا دارتلي مشاكل و ربي شاهد مرات مسكينة تتقلق بويسك عندها لاتونسيو بصح انا نساعفها
والله مسكينة مديرش اي حاجة حتى تشورني لدرجة انها كي ندخل للكوزينة دير ثقة فيا بصح كون يجو بناتها للكوزينة تتقلق هههههه
ان شاء الله ربي يعطيلها صحتها و يحفظها لولادها و لينا
خطرات وين تتقلق بصح انا نسكت منردلهاش و الا رديتلها تكون باللباقة مثلا خطرات تقلي وعلاش هدي الحاجة مش في بلاصتها نقلها واله غير نسيت ضروك نرجعها حتى لو هي زادت في الهدرة انا نسكت من طبعي منحبش نفتعل المشاكل لاني عايشة معاها و لو افتعلت المشاكل راح نكره الدار
مع الاول مكنتش نعرف عقليتها كون نتقلق بصح منهدرش بصح زوجي يقلي يما ساعفيها برك و صحيح كي ساعفتها كسبتها
والله خطرات كي تحب ترسل كسكسي لعجوزتها و لا لكاش ناس حتى تقلي انتي وجديهلي
ربي يدوم العشرة بين الكنة و العجوز و ربي يبعد المسشاكل
ومثل اخت امينة الله يبارك ربي يكملك اختي لانو ادا كسبتي عجوزتي تكسبي راجلك ويصير يحبك اكثر لانك تحبي امه وتقلي مشاكل ربي يهنينا كامل ونرضو ربي ووالدينا
موضوع حساااااااااااااااااااااااااااس بزاف
انا عجوزتي نقولها حاجة واحدة برك حسبي الله و نعم الوكيل فيك
ربي يذوقك واش ذوقتيني في بناتك
بلاك تقولو راني نزيد عليها
و الله العظيم و الله العظيم و الله العظيم
غير رجعوني كيما العبدة
رحت عندهم كي و الوردة رجعوني شوكة صفرا و يابسة
ذلوني و سبوني و عايروني و انا صابرة
المشكل كان ما عنديش حتى الحق باش نرد عليهم
زوجي يقولي لازم تسمعي و اتسكتي
هما معليش يغلطو لكن انتي ما لازمش تغلطي
و في الاخير خرجوني بكل بساطة
لاني ما قدرتش نتحمل و طالبت ببيت منفرد حتى لو كان غرفة واحدة
الظلم واعر يا ناس
حسبي الله و نعم الوكيل فيهم
|
ربي معاك والله كاين شي عجايز تحسبي راهم يستمتعو كي يديرو هدا الشي حسابلهم ماكانش ربي وهي الدنيا
نساو بلي دواره وتدور لبناتهم ولا عجايزهم دوقوهم المرة وراهم ينتاقمو حسبيا الله ونعم الوكيل