آسفة جدا جدا جدا على التأخير أخواتي ماقعدتش كان عندي شغالات
أولا الكاستال بإذن الله رايحة نديرو في موضوع مستقل في أقرب وقت
و ثانيا :
* المخبز: 4 كيلات لوز +كيلة سكر عادي+بزاااااااف زاست القارس +فاني+ تبداي تبلي لعجينة بالبيض (بيضة+2صفار) لأن الصفار هو لي يخلي المخبز طري … و تلايمي مالازمش تكون يابسة و أيضا ماشي جارية و منبعد نشكلوهم بالشكل لي نحبو و نطيبوهم و كي نخرجوهم من الفرن نغطسوهم فالشاربات و نقطروهم من بعد نgلاسيوهم و نخليوهم يشيحو مليح من بعد نديرولهم lustrage راه يتباع (يجي غبرة)و نجيبو بروسة تاع لخدود تكون جديدة نديرو فاليستراج و ندهن الحبات مليح
و فالاخير نخدم الديكور بعجينة اللوز أو عجينة الديكور من فوق حسب الرغبة و هو ثاني ندهنوه بالlustrage
* الحبة لي مرشوقة باللوز يا أختي لي طلبتيه …اللوز ماهوش مرشوق لاصق برك بالشكلاطة
من تحت سابلي عادي و درتو فالسينيات على شكل دمعة و طيبتهم و عمرتهم من الداخل بالنوتيلا و غلقت حبة بحبة وحدة اخرا… و لصقت حبة اللوز بنقطة شكلاطة دايبة و درت زيgزاg بالشكلاطة من فةق و ذريت بسكر gلاسي
و أي استفسار حبيباتي أنا فالخدمة
سلام
الكاستال باش نجربها
يعطيك الصحة اختي
جربت وصفة حلوة معسلة بالبندق خرجت روعة
حبيت نسقسيك على طريقة صنع الحلوة الموجودة في الاطار
و ما هو نوع الطابع المستعمل اضن ان هناك نوعين من العجينة بيضاء و البنية.
