السلآم عليكم و الرحمة و الاكرآم
كيف هي احوآلكــــم صآفآ
المهم رآني بديت نتعلم الحلآوي ههه
و هآدي درتهآ لاسومآن بآصي و اليوم نزلتهآ بآش تعطوني رآيكم
*المقــآدير :
– كآس بيض { حوالي 5 الـى 6 بيضآت }
– كآس سكر
– كآس زيت
– نص كآس حليب
– مبشور البرتقآل
– { هآدوآ زيآدة بآش يضيفوآ البنة } :
– شوية زبيب + فآرميسآل + قفريط مرحي
– 2 خمآرة
– الفرينة حسب المقآدير
* الطريـقـة :
نفرغ البيض و نضربوه بالميكسور مليح نضيفولوآ السكر و نضربوآ لغآية مآ يدوب السكر
و نضيفوآ الزيت و الحليب و نكمل الخلط و نزيدوآ مبشور البرتقآل
عند الانتهآء من عملية الخلط نضيف الفرينة و 2 خمآرة و نخلوآ لغآية مآ تتمسآك العجين
{ هآدي من اخترآعآت مآمآ ههههه } ضفنآ الزبيب و الفآرميسآل و القفريط و خلطنآ
جبنآ السني طلينآه بالزيت و الفرينة بآش متلسقش العجينة فرغنآ الخليط
و درنآ في الفرن
و هآدآ عندمآ خرجنآه من الفرن
و هآدي ليكم بالصحة و الهنآء
انتظرونــــي قريبآ
وصفة سهلة لكيك لذيذ
جزاكِ الله الجنة
بوركتي اسماء تبدوا شهية
|
|
امممممم اسووم راكي شطوورة الله يبااارك
يعطيك الصحة حبيبة وبصحآآتكم
يعطيك الصحة بصحتكم
يعطيك الصحة أختي بانتظار جديدك
فقط المرة القادمة أكتبي اسم عاشقة الجنة على الصور بدل اسماء
لانك مسجلة هنا في اللمة باسم عاشقة الجنة
سهل التحضير
لنجربه